រាជធានីភ្នំពេញ ៖ តារាសម្តែងនាង ព្រះកាយច័ន្ទ បានលើកឡើងថា នាងចង់ឃើញបុគ្គលល្បីៗលើបណ្តាញសង្គមចូលរួមផ្សព្វផ្សាយសិល្បះបុរាណខ្មែរ ក្នុងពេលដែលការចូលរួមនេះ គឺជាការបង្ហាញអោយឲ្យកាន់តែច្បាស់នូវស្រឡាញ់ពិតប្រាកដ និងការចូលរួមការពារសិល្បៈរបស់ដូនតាខ្មែរ ។…
រាជធានីភ្នំពេញ ៖ តារាសម្តែងនាង ព្រះកាយច័ន្ទ បានលើកឡើងថា នាងចង់ឃើញបុគ្គលល្បីៗលើបណ្តាញសង្គមចូលរួមផ្សព្វផ្សាយសិល្បះបុរាណខ្មែរ ក្នុងពេលដែលការចូលរួមនេះ គឺជាការបង្ហាញអោយឲ្យកាន់តែច្បាស់នូវស្រឡាញ់ពិតប្រាកដ និងការចូលរួមការពារសិល្បៈរបស់ដូនតាខ្មែរ ។
ការលើកឡើងខាងលើ ពីតារាស្រីរូបនេះបានធ្វើឡើង បន្ទាប់ពីនាងបានសង្កេតឃើញថា រហូតមកទល់នាពេលនេះនាងហាក់មិនទាន់ឃើញបុគ្គលល្បីៗលើបណ្តាញសង្គមណាមួយចូលរួមផ្សព្វផ្សាយពីមហោស្រពសិល្ប:បុរាណខ្មែររឿង«ព្រះបាទជ័យវរ្ម័នទី៧»ដែលនឹងរៀបចំសម្តែងឆាប់ៗខាងមុខនេះ ។
តារាសម្តែងនាង ព្រះកាយច័ន្ទ បានលើកឡើងតាមរយះសំណេរបង្ហោះលើបណ្តាញសង្គមថា សុំទោសដែលខ្ញុំបញ្ចេញមតិយោបល់ទៅប៉ះពាល់ដល់បងៗរូបណាមួយតែនេះជាកាពិតមហោស្របសិល្ប:បុរាណខ្មែររឿង«ព្រះបាទជ័យវរ្ម័នទី៧»ដែលរៀបនឹងសម្តែងនៅ៣ថ្ងៃខាងមុខនេះ ដូចជាមិនមានបុគ្គលល្បីៗលើបណ្ដាញ សង្គមណាជួយផ្សព្វផ្សាយសោះ មកពីកាផ្សព្វផ្សាយមិនបានដឹងដល់ពួកគាត់ ឫក៏គាត់មិនចង់អើពើ ។
នាងបញ្ជាក់ថា នេះជាកាសម្តែងល្ខោនរបាំព្រះរាជទ្រព្យដែលទាំងអស់គ្នាតែងតែនិយាយថាស្រឡាញ់ និងចង់ការពារឥឡូវនេះដល់ពេលវេលាហើយតែមិនសូវឃើញមានអ្នកជួយផ្សព្វផ្សាយបន្តទាល់តែសោះ ឫក៏ស្រលាញ់ត្រឹមតែបបូរមាត់ទេ សូមមេត្តាបងប្អូន នេះជារបស់ជាតិយើង សូមជួយគ្រាំទ្រផ្សព្វផ្សាយបន្តនឹងចូលរួម ទស្សនាឲ្យបានច្រើនៗផងបងប្អូន ថ្ងៃ28/29នេះ ។
ដោយឡែកតាមរយះបទសម្ភាសន៍ជាមួយបណ្តាញសារព័ត៌មានក្នុងស្រុក ព្រះកាយច័ន្ទ បានលើកឡើងថា នាងពិតជាមានកិត្តយសណាស់ និងរំភើបដែលមានវត្តមានក្នុងកាសម្តែងល្ខោនក្បាច់របាំបុរាណខ្មែររឿង «ព្រះបាទជ័យរវ្ម័នទី៧ ដកស្រង់ត្រង់ឈុត ស្នាព្រះហស្ថ និងសមិទ្ធផលនៃមហាវីរក្សត្រទាំង៣អង្គ» ក្នុងនាមជាតួអង្គ ជ័យរាជទេវីក្សត្រី ។
នាងបន្ថែមថា ដំបូងឡើយនាងចូលសិល្បះនេះតាមរយះជានាថការីរបាំបុរាណម្នាក់ប៉ុណ្ណោះ ហើយក៏បានវិវឌ្ឃន៍ខ្លួនក្លាយជាសិល្បះការិនីម្នាក់ក្នុងវិស័យសិល្បះទី៧ ហើយពេលនេះនាងក៏មានឱកាសជាថ្មីនៅក្នុងការចូលរួមសម្តែងសិល្បះបុរាណជាថ្មីពិតជាមានការរំភើប ។
នាងបញ្ជាក់ថា ការចូលរួមសម្តែងសិល្បះបុរាណជាថ្មីនាពេលនេះធ្វើឲ្យនាងនឹកឃើញអតីតកាលដែលនាងបានល្អះបង់ពេលវេលាជាច្រើនម៉ោងជាមួយលោកគ្រូ អ្នកគ្រូ នៅក្នុងបង្ហាត់បង្រៀនធ្វើឲ្យនាងសម្រេចក្តីស្រមៃក្លាយជាតួអង្គអប្សរាមួយរូប ។
បើតាមនាង ព្រះកាយច័ន្ទ ទន្ទឹមនឹងការរំភើបរីករាយនៅក្នុងឱកាសបានចូលរួមសម្តែងក្នុងកម្មវិធីមហោស្រពសិល្បះបុរាណខ្មែររឿង«ព្រះបាទជ័យវរ្ម័នទី៧»នាពេលនេះ នាងក៏មានអារម្មណ៍ក្តុកក្តួលផងដែរ ដោយសារការសម្តែងរបស់នាងនាពេលនេះមិនមានវត្តមានឪពុករបស់នាងចូលរួម ហេតុនេះនាងមានតែឧទ្ទិសនៃការសម្តែងនេះទៅកាន់ឪពុកនាងដែលបានចែកឋានទៅកាន់លោកខាងមុខ ។
គួរបញ្ជាក់ថា មហោស្របសិល្ប:បុរាណខ្មែររឿង«ព្រះបាទជ័យវរ្ម័នទី៧» និងរៀបចំការសម្តែងនៅថ្ងៃទី២៨-២៩ ខែកញ្ញា ឆ្នាំ២០២៤ នាសាលមហោស្រពកោះពេជ្រ ខណៈពេលការសម្តែងនៅក្នុង១ថ្ងៃមាន២ពេល គឺនៅម៉ោង ០៣:០០នាទីសៀល និងម៉ោង ០៦:០០នាទីល្ងាច ៕
ចែករំលែកព័តមាននេះ