អាសូរ! ជីដូន១រូប សង្ស័យវង្វេង ត្រូវអ្នកភូមិប្រទះឃើញក្នុងរោងចាំចំការ ខណៈសមត្ថកិច្ចប្រកាសរកសាច់ញាតិ
- ត្បូងឃ្មុំ
ខេត្តត្បូងឃ្មុំ ៖ ពិតជាគួរឱ្យសង្វេគណាស់ ក្រោមកម្ដៅថ្ងៃរាងក្តៅផងនោះ ក្នុងរោងចាំចំការឈូកមួយ
ខេត្តត្បូងឃ្មុំ ៖ ពិតជាគួរឱ្យសង្វេគណាស់ ក្រោមកម្ដៅថ្ងៃរាងក្តៅផងនោះ ក្នុងរោងចាំចំការឈូកមួយ
ខេត្តត្បូងឃ្មុំ ៖ ពិតជាគួរឱ្យសង្វេគណាស់ ក្រោមកម្ដៅថ្ងៃរាងក្តៅផងនោះ ក្នុងរោងចាំចំការឈូកមួយកន្លែងនៅក្រោយភូមិទី៦ ឃុំព្រែកអាជី ស្រុកក្រូចឆ្មារ មានលោកយាយម្នាក់សម្បុរសណ្ដែកបាយ អាយុប្រហែល៧០ឆ្នាំ សង្ស័យគាត់វង្វេង មិនដឹងថា គាត់មកពីទីណានោះទេ ត្រូវបានប្រជាពលរដ្ឋប្រទះឃើញមកស្នាក់នៅក្នុងរោងចាំចំការឈូកនោះ ។ ដោយបារម្ភខ្លាចគាត់អាចជួបគ្រោះថ្នាក់ជាយថាហេតុណាមួយ ទើបប្រជាពលរដ្ឋក៏បានរាយការណ៍មកអាជ្ញាធរមូលដ្ឋាន ហើយត្រូវបានកម្លាំងប៉ុស្តិ៍រដ្ឋបាលព្រែកអាជី ចុះមកទទួលយកលោកយាយរូបនោះឱ្យស្នាក់នៅវត្តកណ្ដាល ជាបណ្ដោះអាសន្នសិន ។
សមត្ថកិច្ចមូលដ្ឋានប្រាប់ឲ្យដឹងថា បន្ទាប់ពីទទួលបាននូវព័ត៌មានខាងលើនេះភ្លាម លោកនាយប៉ុស្តិ៍រដ្ឋបាលព្រែកអាជី រួមទាំងមន្ត្រីក្រោមឱវាទ និងប្រជាការពារបានចុះទៅដល់រោងចាំចំការឈូក ដែលមើលទៅរោងនោះរាងរខេករខាក ដោយគិតថាម្ដាយគេម្ដាយយើង ។ ម្យ៉ាងបារម្ភខ្លា.ចក្រែងលោកយាយរូបនេះចុះទឹកល.ង់ស្លា.ប់ ក៏បានដឹកតាមម៉ូតូយកមកឲ្យស្នាក់នៅជាបណ្ដោះអាសន្ននៅវត្តកណ្ដាល នាវេលាម៉ោង៤រសៀលថ្ងៃទី៦ ខែមិថុនា ឆ្នាំ២០២៤។ តាមរយៈការផ្សព្វផ្សាយដល់បណ្ដាសារព័ត៌មានផ្សេងទៀតក្នុងស្រុកក្រូចឆ្មារទាំងអស់ គឺមិនមានប្រជាពលរដ្ឋណាម្នាក់បានស្គាល់ឬបាត់សមាជិកគ្រួសារដែលមានភិនភាគដូចរូបថតនេះទេ។
សមត្ថកិច្ចមូលដ្ឋានបន្តឲ្យដឹងទៀតថា ប៉ុស្តិ៍បានទទូលពត៌មានពីលោកសាញ់ឡាក់ មេភូមិទី៦និងលោកអុីវ លីហូវ មេឃុំព្រែកអាជី ប្រាប់ប៉ុស្តិ៍ថាមានប្រជាពលរដ្ឋមិនស្គាល់អត្តសញ្ញាណ សង្ស័យវង្វេង មិនដឹងមកពីភូមិ ឃុំ ស្រុកណានោះទេ បានមកសំរាកនៅរោងចំការឈូករបស់ឈ្មោះហាន ចាន់ណា ក្រោយភូមិទី៦ឃុំព្រែកអាជី។ ប៉ុស្តិ៍ទទូលបានដំណឹងនេះភ្លាមក៍សហការណ៍ជាមួយប្រជាការពារចុះទៅចំនុចខាងលើបានជួបលោកយាយមានអាយុប្រហែល៧០ឆ្នាំ ស្លៀកពាក់ដូចក្នុងរូបនេះ កម្លាំងប៉ុស្តិ៍ បានសួរនាំគាត់ដែរ ប៉ុន្តែគាត់និយាយស្តាប់មិនបានទេ ។ បច្ចុប្បន្នកម្លាំងនិងប្រជាការពារបាននាំលោកយាយយកមកអោយស្នាក់នៅវត្តកណ្តាល មុខប៉ុស្តិ៍រដ្ឋបាលព្រែកអាជី ដើម្បីរង់ចាំក្រែងមានសាច់ញាតិឬកូនចៅមកសួររក។
តាមរយៈសមត្ថកិច្ចបញ្ជាក់ថា លោកយាយរូបនេះគឺនិយាយមិនកើត ស្ដាប់មិនបាន សង្ស័យក្រែងគាត់ហេវហត់ដាច់បាយ ក៏បាននាំមកថ្នាក់នៅក្នុងបរិវេណវត្តដោយរៀបចំកន្លែងសមរម្យដាក់កង្ហារឱ្យពិសាអាហារដើម្បីមានកម្លាំងក្រែងអាចនិយាយបាន។
សមត្ថកិច្ចមូលដ្ឋានបន្ថែមឲ្យដឹងទៀតថារហូតមកដល់ព្រឹកថ្ងៃទី៧ មិថុនា លោកយាយរូបនេះនៅតែនិយាយមិនទាន់កើតនៅឡើយ។ ទោះជាយ៉ាងណាក៏ដោយ កម្លាំងសមត្ថកិច្ចប្រជាការពារព្រមទាំងព្រះសង្ឃបានជួយមើលនិងយកចិត្តទុកដាក់ថែរក្សា ធ្វើយ៉ាងណាឲ្យគាត់មានសុខភាពល្អ។
តាមរយៈការផ្សាយរបស់កោះសន្តិភាព ប្រសិនបើបងប្អូនមានបាត់សាច់ញាតិដែលមានភិនភាគដូចរូបថតនេះ សូមមកទំនាក់ទំនងមកប៉ុស្តិ៍រដ្ឋបាលព្រែកអាជី ក្នុងស្រុកក្រូចឆ្មារ នឹងទទួលបាននូវព័ត៌មានពិស្ដារបន្ថែមទៀត ៕
ចែករំលែកព័តមាននេះ