អាចថាជាភាពចៃដន្យមួយ ដោយសារតែនេះ យើងធ្លាប់បញ្ជូនបេក្ខភាពទៅប្រកួតនៅក្នុងប្រទេសម៉ាឡេស៊ីមុនៗ ស្រាប់តែអាចមានឱកាសបានជាប់តំណែងល្អៗនៅទីនោះ គួរអោយចាប់អារម្មណ៍។ ថ្មីៗនេះ
រាជធានីភ្នំពេញ ៖ អាចថាជាភាពចៃដន្យមួយ ដោយសារតែនេះ យើងធ្លាប់បញ្ជូនបេក្ខភាពទៅប្រកួតនៅក្នុងប្រទេសម៉ាឡេស៊ីមុនៗ ស្រាប់តែអាចមានឱកាសបានជាប់តំណែងល្អៗនៅទីនោះ គួរអោយចាប់អារម្មណ៍។ ថ្មីៗនេះ យើងបានមុខមាត់ម្តងទៀត ដោយសារនារីកម្ពុជាយើង ដ៏មានសម្រស់បានឈ្នះមកុដធំ នាចក្រវាឡ។ មានន័យថា ជាលើកទី២ ហើយ ដែលបេក្ខភាពរបស់ប្រទេសកម្ពុជាយើងបានឈ្នះមកុដ ការប្រកួតអន្ដរជាតិនៅក្នុងប្រទេស Malaysia ។
គេចាំបាន ឈ្នះម្តងបានទៅលើកញ្ញា Jonh Sotima – Miss Tourism international Dream girl of the year 2019។ ឯទើបតែមានមុខម្តងទៀត គឺកញ្ញា Pich Mainavyta – ឬ សារី ស្រីពេជ្រ ទើបជាប់ Miss Petite Global 2022 ។ ទាំង២លើកកន្លងមកនេះ យើងហាក់មានការរីកមុខមាត់ ព្រោះនៅម៉ាឡេស៊ី កម្ពុជាមានប្រវត្តិឈ្នះការប្រឡងកញ្ញាឯក បុរសឯក មកមុខមាត់មិនតិចនោះទេ ។
អ្វីដែលយើងរីករាយ ប្រទេសនានាសុទ្ធតែមានការកោតសរសើរដល់កម្ពុជា ដែលអាចឈ្នះគេ ប្រកប ដោយធនធានបេក្ខជន មានភាពឆ្លាតវៃ ស្តែងពីការរីកចម្រើន ក្នុងវិស័យបវរកញ្ញា ក្នុងប្រទេស។
ដើម្បីជាការលើកទឹកចិត្ត បេក្ខជន បេក្ខនារី តាមដឹងមានការលេចឮថា «CIM or Cambodia International Models បានរៀបចំនៅកម្មវិធីមួយ ដើម្បីជាការអបអរសាទរដល់បេក្ខភាពកម្ពុជា យើងដែលទទួលបានចំណាត់ថ្នាក់ល្អនៅលើឆាកអន្ដរជាតិ នោះគឺកម្មវិធី Fans Meeting ដោយនឹងធ្វើឡើងនៅថ្ងៃទី១១ ខែសីហា នៅក្នុងផ្សារទំនើប The Olympia Mall ជាន់ទី១ ចាប់ពីម៉ោង ៦-៨ យប់។ដូច្នេះសម្រាប់ Fans ដែលចង់ទៅចូលរួមកម្មវិធី Fan Meeting អាចអញ្ជើញមកបាន ប្រាកដជាបានជួបបុរសឯកសង្ហារៗជាច្រើននាក់ និងបវរកញ្ញាស្រស់សោភាជាច្រើនដួង មកបង្ហាញរាង បង្អួតសម្រស់គ្នា ដើម្បីបំផុសកម្មវិធីអោយកាន់តែកក្រើកថែមទៀត។
ចែករំលែកព័តមាននេះ