រាជធានីភ្នំពេញ ៖ ម៉ូតូកង់បីមួយគ្រឿងសង្ស័យអ្នកបើកបរស្រវឹងបានបើកជ្រុលទៅបុករះម៉ូតូ៣គ្រឿង រងការខូចខាតហើយ មិនព្រមឈប់ទទួលខុសត្រូវព្យាយាមបើករត់គេចខ្លួនជ្រុលទៅប៉ះនឹងម៉ូតូមួយគ្រឿងទៀតបណ្តាលឲ្យក្រឡាប់ផ្ងារជើងមួយចំហៀង ម្ចាស់រត់គេចបាត់។ ហេតុការណ៍នេះដែរបានកើតឡើងនៅវេលាម៉ោង៨ និង២០នាទីយប់ ថ្ងៃទី២២ ខែកុម្ភៈ…
រាជធានីភ្នំពេញ ៖ ម៉ូតូកង់បីមួយគ្រឿងសង្ស័យអ្នកបើកបរស្រវឹងបានបើកជ្រុលទៅបុករះម៉ូតូ៣គ្រឿង រងការខូចខាតហើយ មិនព្រមឈប់ទទួលខុសត្រូវព្យាយាមបើករត់គេចខ្លួនជ្រុលទៅប៉ះនឹងម៉ូតូមួយគ្រឿងទៀតបណ្តាលឲ្យក្រឡាប់ផ្ងារជើងមួយចំហៀង ម្ចាស់រត់គេចបាត់។ ហេតុការណ៍នេះដែរបានកើតឡើងនៅវេលាម៉ោង៨ និង២០នាទីយប់ ថ្ងៃទី២២ ខែកុម្ភៈ ឆ្នាំ២០២១ ជិតនឹងផ្សាររាត្រី ផ្លូវលូប្រាំ កែងផ្លូវបេតុង សង្កាត់ស្ទឹងមានជ័យ៣ ខណ្ឌមានជ័យ។ តាមព័ត៌មានពីកន្លែងកើតហេតុបានឲ្យដឹងថា៖
មុនពេលកើតហេតុគេបានឃើញបុរសម្នាក់បានបើកម៉ូតូកង់បីឥណ្ឌាពណ៌ស ពាក់ស្លាកលេខ ភ្នំពេញ 1IF-8494 បានធ្វើដំណើរតាមផ្លូវលូប្រាំ ក្នុងទិសដៅពីត្បូងទៅជើងក្នុងល្បឿនលឿន ក៏ជ្រុលទៅបុកនឹងម៉ូតូ ម៉ាកMSX ពណ៌ក្រហម ពាក់ស្លាកលេខ ភ្នំពេញ 1HD-7811 ជិះដោយបុរសម្នាក់ចេញពីផ្លូវបេតុង រងការខូចខាតផ្ទែកខាងមុខ ស្រាប់តែម៉ូតូកង់បីរេចង្កូតទៅខាងឆ្វេងដៃ ជ្រុលទៅបុកនឹងម៉ូតូម៉ាកស្កុបពី ពណ៌សលាយផ្កាឈូក ពាក់ស្លាកលេខ ភ្នំពេញ 1AO-2187 ដែលជិះដោយបុរសម្នាក់ទៀតក្នុងតាមផ្លូវលូប្រាំ ក្នុងទិសដៅបញ្ច្រាសទិសដៅ រងការខូចខាតខ្ទេច តែមិនបង្កឲ្យមានគ្រោះថ្នាក់ដល់មនុស្សធ្ងន់ធ្ងរនោះទេ។
ភ្លាមៗនោះដែរ អ្នកបើកម៉ូតូកង់បីឥណ្ឌា មិនព្រមឈប់ទទួលខុសត្រូវនោះទេ ព្យាយាមបើកម៉ូតូកង់បីគេចរថយន្ដដល់ផ្លូវបេតុង លេខ៨២ ស្ថិតនៅក្នុងភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យដដែល ក៏ជ្រុលទៅកៀរនឹងម៉ូតូមិនស្គាល់ម៉ាកមួយគ្រឿងទៀត បណ្តាលឲ្យម៉ូតូកង់បីឥណ្ឌា ក្រឡាប់ផ្ងារជើងមួយចំហៀងខាងស្តាំរងការខូចខាតយ៉ាងដំណំ។ ហើយភ្លាមៗនោះអ្នកបើកម៉ូតូកង់បីឥណ្ឌាក៏បានរត់ខ្លួនបាត់ស្រមោល ដោយឡែកម៉ូតូដែលត្រូវកង់បីឥណ្ឌា បើកកៀររងការខូចខាតតិចតួចក៏ជិះបន្តដំណើរទៅមុខជាបន្តទៀត។ ក្រោយពេលកើតហេតុ នៅសល់តែម៉ូតូចំនួន៣គ្រឿង ទាំងកង់បីឥណ្ឌាបង្កត្រូវបានសមត្ថកិច្ចបានយកទៅរក្សាទុកនៅប៉ុស្តិ៍នគរបាលរដ្ឋបាលស្ទឹងមានជ័យ៣ រង់ចាំភាគីបង្កចូលខ្លួនធ្វើការដោះស្រាយជាមួយនឹងខាងម៉ូតូរងគ្រោះនៅពេលក្រោយជាបន្តទៀត៕ ដោយ ៖ យឹម ឈឿន
ចែករំលែកព័តមាននេះ