រាជធានីភ្នំពេញ ៖ រថយន្តដឹកដី២គ្រឿងបានបើកប្រជែងគ្នាវាក់នឹងរថយន្តដឹកថ្មមួយគ្រឿងឈប់ចតលើដងផ្លូវ ក៏បើកគេចចេញមួយគ្រឿង ក៍បានជ្រុលឡើងជិះលើសួនច្បារខណ្ឌចែកទ្រូងផ្លូវ និងមួយគ្រឿងទៀតគេចទៅបាត់។ ក្នុងហេតុការណ៍គ្រោះថ្នាក់នេះពុំបណ្តាលអោយមនុស្សណាម្នាក់រងរបួសឡើយ។ ហេតុការណ៍គ្រោះថ្នាក់នេះបានកើតឡើងកាលពីវេលាម៉ោងប្រមាណ១០និង៣០ព្រឹកថ្ងៃទី១៣ ខែ តុលា…
រាជធានីភ្នំពេញ ៖ រថយន្តដឹកដី២គ្រឿងបានបើកប្រជែងគ្នាវាក់នឹងរថយន្តដឹកថ្មមួយគ្រឿងឈប់ចតលើដងផ្លូវ ក៏បើកគេចចេញមួយគ្រឿង ក៍បានជ្រុលឡើងជិះលើសួនច្បារខណ្ឌចែកទ្រូងផ្លូវ និងមួយគ្រឿងទៀតគេចទៅបាត់។ ក្នុងហេតុការណ៍គ្រោះថ្នាក់នេះពុំបណ្តាលអោយមនុស្សណាម្នាក់រងរបួសឡើយ។
ហេតុការណ៍គ្រោះថ្នាក់នេះបានកើតឡើងកាលពីវេលាម៉ោងប្រមាណ១០និង៣០ព្រឹកថ្ងៃទី១៣ ខែ តុលា ឆ្នាំ ២០២០ នៅចំណុច មហាវិថីឈ្នះឈ្នះ ក្នុងភូមិកប់ស្រូវតូច សង្កាត់គោករកា ខណ្ឌព្រែកព្នៅ រាជធានីភ្នំពេញ។
រថយន្តមួយគ្រឿងដែលបានដែលបើកឡើងលើសួន ម៉ាកហ៊ីយ៉ាន់ដាយ មានលេខសំគាល់ B.៥៩ និងមានស្លាកលេខ ព្រះសីហនុ ៣A-៣៣២៨ ដែលគេអះអាងថា ជារថយន្តដឹកដីរបស់លោកឧកញ៉ា ញឹក ផន ហៅកៅ បើកបរដោយបុរសម្នាក់មិនប្រាប់អោយស្គាល់អត្តសញ្ញាញឡើយ។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុ គេឃើញ រថយន្តដឹកដីមួយគ្រឿងខាងលើ បានធ្វើដំណើរតាមមហាវីថីឈ្នះឈ្នះ ក្នុងទិសដៅពីកើតទៅលិចក្នុងល្បឿន និងបានបើកជែងរថយន្តដឹកដីមួយគ្រឿង ។ ខណៈនោះក៏បានវាក់នឹងរថយន្តដឹកថ្មមួយគ្រឿង ដែលបែកកង់ឈប់ចតលើទ្រូងផ្លូវ ជាហេតុធ្វើអោយរថយន្ត ដឹកដីខាងលើនោះ ទាញចង្កូតគេចទៅខាងឆ្វេងដៃ ហើយបោកផ្នែកខាងក្រោយប៉ះនឹងរថយន្តដែលត្រូវវាក់រួចក៏បានជ្រុលចង្កូតបុកឡើងសួនច្បារខណ្ឌចែកទ្រូងផ្លូវ បុករះកូនឈើនិងបង្គោលគ្រឹះផ្សាយពាណិជ្ជកម្មរលើងកលជាប់ទៅមុខលែងរួច។ ចំណែករថយន្តដឹកដីមួយគ្រឿងទៀតបានបើកទៅបាត់ ។
ដោយឡែកអ្នកបើកបរបានអោយដឹងផ្ទុយគ្នាថា មូលហេតុដែលជួបគ្រោះថ្នាក់ ដោយសារតែរថយន្តដឹកដីមួយគ្រឿងទៀតបើកជែងមកបុករថយន្តរបស់ខ្លួន ខណៈពេលដែលបង្អន់ល្បឿន ព្រោះមានរថយន្តដឹកថ្មបែកកង់ឈប់ចតនៅពីមុខ ជាហេតុបណ្តាលអោយជ្រុលចង្កូតឡើងសួនតែម្តង។
បន្ទាប់ពីគ្រោះថ្នាក់ គេឃើញមេការរថយន្តក៍បានយកគ្រឿងចក្រមួយគ្រឿង មកកាយដីទំលាក់ពីលើរថយន្ត និងបានយករថយន្តដីមួយគ្រឿងទៀតមកអូសចេញ ។ ដោយសារតែ រថយន្តនោះបំផ្លាញទ្រព្យសម្បត្តិសាធារណៈ ទើបនគរបាលចរាចរណ៍ក៍បាននាំយករថយន្ត នោះ ទៅទុកនៅស្នាក់ការនគរបាលនៅក្រោមស្ពានព្រែកព្នៅ ដើម្បីដោះស្រាយសងការខូចខាត ៕ (កែសម្រួលដោយ ៖ ធីតា)
ចែករំលែកព័តមាននេះ