រាជធានីភ្នំពេញ ៖ យុវជនជាជាងជណ្តើរយន្តម្នាក់ បានស្លាប់យ៉ាងអាណោចអាធ័មនៅក្នុងប្រអប់ ជណ្តើរយន្ត និងបុរសម្នាក់ទៀតក៏បានរងរបួសយ៉ាងធ្ងន់ធ្ងរផងដែរ ហើយត្រូវបានគេដឹកយកទៅសង្គ្រោះ នៅមន្ទីរពេទ្យកាល់ម៉ែត្រភ្លាមៗ ខណៈដែលពួកគេទាំង២នាក់កំពុងតែនាំគ្នាជិះជណ្តើរយន្តធ្វើការសុខៗ ក៏ស្រាប់តែដាច់ខ្សែរ៉កធ្លាក់ពីលើជាន់ទី៥…
រាជធានីភ្នំពេញ ៖ យុវជនជាជាងជណ្តើរយន្តម្នាក់ បានស្លាប់យ៉ាងអាណោចអាធ័មនៅក្នុងប្រអប់ ជណ្តើរយន្ត និងបុរសម្នាក់ទៀតក៏បានរងរបួសយ៉ាងធ្ងន់ធ្ងរផងដែរ ហើយត្រូវបានគេដឹកយកទៅសង្គ្រោះ នៅមន្ទីរពេទ្យកាល់ម៉ែត្រភ្លាមៗ ខណៈដែលពួកគេទាំង២នាក់កំពុងតែនាំគ្នាជិះជណ្តើរយន្តធ្វើការសុខៗ ក៏ស្រាប់តែដាច់ខ្សែរ៉កធ្លាក់ពីលើជាន់ទី៥ មកដល់ដីនោះ។ ក្នុងពេលនោះដែរ ក៏មានស្ត្រីជាម្តាយរបស់ ជនរងគ្រោះម្នាក់មកដល់ស្រែកយំបោកខ្លួននៅខាងក្រៅរបងការដ្ឋានដោយបានរៀបរាប់ប្រាប់គេឯងថា៖
«កូនប្រុសរបស់គាត់មិនចង់ធ្វើការងារនេះទេ តែរូបគាត់ចង់ឲ្យធ្វើការទៅគ្រាន់បានលុយចាយ និង ទើបតែមកពីផ្ទះពីព្រឹកមកធ្វើការក៏ស្រាប់តែកើតឡើងតែម្តង ដោយស្មានតែត្រឹមបាក់ដៃ បាក់ជើង មិននឹកស្មានថា កូនប្រុសរបស់គាត់ដល់ថ្នាក់ស្លាប់បែបនេះសោះ»។ ករណីនេះដែរបានកើតឡើង កាលពីវេលាម៉ោង១១ និង១២នាទីព្រឹក ថ្ងៃទី២០ ខែសីហា ឆ្នាំ២០២០ នៅចណុចការដ្ឋានសំណង់ អគារកម្ពស់១១ជាន់ ទីតាំងដីឡូត៍លេខ៧៥ ផ្លូវព្រះមុនីវង្ស កែងផ្លូវលេខ២០០ ក្នុងសង្កាត់បឹងរាំង ខណ្ឌដូនពេញ។
តាមប្រភព័ត៌មានពីនគរបាលបានប្រាប់ឱ្យដឹងថា បុរសរងគ្រោះទាំង២នាក់មាន៖ ទី១-ឈ្មោះ អឿន វេហា ហៅម៉ៅ អាយុ២០ឆ្នាំ មុខរបរជាងជណ្តើរយន្ត បានស្លាប់ភ្លាមៗនៅក្នុងប្រអប់ជណ្តើរ យន្ត និងទី២-ឈ្មោះ ចាន់ ដារ៉ូ អាយុ២៤ឆ្នាំ មុខរបរជាងជណ្តើរយន្តដូចគ្នា បានរងរបួសធ្ងន់ និងមានទីលំក្បែរគ្នាស្ថិតនៅក្នុងភូមិព្រៃស្វាយ សង្កាត់ពន្សាំង ខណ្ឌព្រែកព្នៅ។ មុនពេលកើតហេតុ មានក្រុមជាងជណ្តើរយន្តមួយក្រុមមានគ្នា៥នាក់ (រួមទាំងជនរងគ្រោះទាំងពីរនាក់) ដោយ បែងចែកកន្លែងគ្នាធ្វើការ ដោយជាងពីរនាក់នៅធ្វើការខាងក្រោម និង ម្នាក់ទៀតឡើងទៅធ្វើការ ជាន់ខាងលើ (មិនបញ្ជាក់ជាន់) និងចំណែកឯពួកគេទាំង២នាក់នាំគ្នាឡើងជិះលើជណ្តើរយន្ត ដើម្បីធ្វើការរៀងខ្លួន។
តាមប្រភពដដែលបានប្រាប់បន្តទៀតថា ខណៈដែលជនរងគ្រោះកំពុងតែ នាំគ្នាជិះក្នុងជណ្តើរយន្តធ្វើការនៅជាន់ទី៥ ក្នុងការដ្ឋានសំណង់អគារ ដែលមានកម្ពស់១១ជាន់នេះសុខៗ និងចុចឡើងចុះៗនោះ ក៏ស្រាប់តែដាច់ខ្សែរ៉កធ្លាក់មកដីបណ្តាលឱ្យបុរសម្នាក់ស្លាប់ នៅក្នុងប្រអប់ជណ្តើរ យន្តនៅនឹងកន្លែង ចំណែកឯបុរសម្នាក់ទៀតក៏បានរងរបួសយា់ងងធ្ងន់ធ្ងរផងដែរ ហើយត្រូវបានខាងការ ដ្ឋាននាំគ្នាដឹកតាមរថយន្តផ្ទាល់ខ្លួនយកទៅកាន់មន្ទីរពេទ្យកាល់ម៉ែតភ្លាមៗផងដែរ។ ស្ត្រីម្នាក់ឈ្មោះ គង់ ស៊ីណាត អាយុ៤០ឆ្នាំ ជាម្តាយរបស់បុរសរងគ្រោះដែលស្លាប់បានយំរៀបរាប់ទឹកភ្នែកហូររហាមថា កូនប្រុសរបស់គាត់ទើបតែចេញមកពីផ្ទះមកធ្វើការនៅព្រឹកមិញនេះទេ ក្រោយពីរូបគេបានឈប់សម្រាក រយៈពេល២ទៅ៣ថ្ងៃកន្លងទៅនោះ។
បានតែប៉ុន្មានម៉ោងក៏ស្រាប់តែខាងក្រុមហ៊ុនការដ្ឋានសំណង់ ទូរស័ព្ទទៅប្រាប់រូបគាត់នៅឯផ្ទះថា កូនប្រុសរបស់គាត់មានគ្រោះថ្នាក់ ហើយរូបគាត់ក៏បានឡើងមក ភ្នំពេញភ្លាម និងត្រូវបានគេប្រាប់ថា កូនប្រុសរបស់គាត់បានស្លាប់ទៅហើយ ដោយសារតែដាច់ជណ្តើរយន្ត ដោយរូបគាត់នឹកស្មានតែកូនរបស់គាត់វាគ្រាន់តែបាក់ដៃ បាក់ជើង និងរងរបួស មិននឹកស្មានថា រហូតដល់ស្លាប់បែបនេះសោះ។ ស្ត្រីជាម្តាយក៏បានរៀបរាប់ប្រាប់ទៀតថា រូបគាត់មានកូនចំនួន៣នាក់ (ប្រុស ២នាក់ ស្រី១នាក់) ដោយកូនប្រុសដែលរងគ្រោះស្លាប់នេះ ជាកូនទី២ ដែលរូបគាត់ស្រឡាញ់ ជាងគេ កូនរបស់គាត់មិនចង់ធ្វើការនេះទេ តែខ្ញុំប្រាប់ឱ្យធ្វើការទៅគ្រាន់បានលុយចាយ លុះដល់ ពេលនេះក៏កើតរឿងបែបនេះឡើងតែម្តង។
ក្រោយពេលកើតហេតុ កម្លាំងមានសម្ថកិច្ចខណ្ឌដូនពេញ សហការជាមួយនឹងកម្លាំងជំនាញនៃស្នងការនគរបាលរាជធានីភ្នំពេញ ក៏បានចុះមកដល់ការដ្ឋានសំណង់ អគារកម្ពស់១១ជាន់កើតហេតុខាងលើ ធ្វើការត្រួតពិនិត្យ និងកោសលវិច្ច័យទៅ លើសាកសពរបស់បុរស ជាជាងជណ្តើរយន្តរងគ្រោះពិតជាស្លាប់ដោយសារតែការដាច់ធ្លាក់ជណ្តើរយន្តពីជាន់ទី៥ ពិតប្រាកដមែន ទើបបានប្រគល់សាកសពទៅឱ្យឪពុកម្តាយ និងក្រុមគ្រួសារយកទៅធ្វើបុណ្យទៅតាមប្រពៃណី។ ចំណែកឯបុរសរងគ្រោះជាជាងជណ្តើរយន្តដែលរងរបួសធ្ងន់ម្នាក់ទៀតកំពុងតែបន្តសម្រាកព្យាបាលនៅមន្ទីរពេទ្យកាល់ម៉ែត ហើយកម្លាំងអាជ្ញាធរខណ្ឌដូនពេញ ដែលដឹកនាំដោយលោក សុខ ពេញវុធ ជាអភិបាលខណ្ឌ ក៏បានធ្វើការផ្អាកសកម្មភាព សាងសង់របស់ការដ្ឋានសំណង់អគារកើតហេតុ ខាងលើជាបណ្តោះ អាសន្នផងដែរ៕ ដោយ ៖ ភី ផល
ចែករំលែកព័តមាននេះ