ខេត្តបន្ទាយមានជ័យ ៖ មន្ត្រីនគរបាលប្រឆាំងបទល្មើសសេដ្ឋកិច្ចខេត្ត ឃាត់រថយន្ត១គ្រឿងដឹកគ្រឿងក្នុងជ្រូក៦០០គីឡូក្រាម ដោយយកដុតកម្ទេចចោល នៅថ្ងៃទី១៥ មិថុនា នេះ ស្ថិតនៅចំណុចសង្កាត់កំពង់ស្វាយ ក្រុងសិរីសោភ័ណ។…
ខេត្តបន្ទាយមានជ័យ ៖ មន្ត្រីនគរបាលប្រឆាំងបទល្មើសសេដ្ឋកិច្ចខេត្ត ឃាត់រថយន្ត១គ្រឿងដឹកគ្រឿងក្នុងជ្រូក៦០០គីឡូក្រាម ដោយយកដុតកម្ទេចចោល នៅថ្ងៃទី១៥ មិថុនា នេះ ស្ថិតនៅចំណុចសង្កាត់កំពង់ស្វាយ ក្រុងសិរីសោភ័ណ។
ប្រភពបន្តថា ម្ចាស់រថយន្តមានឈ្មោះសាយ ជៀន ភេទប្រុស អាយុ៥២ឆ្នាំ រស់នៅភូមិដូនតូង ឃុំធ្លូក ស្រុកស្វាយជ្រុំ ខេត្តស្វាយរៀង ។ លោកវរសេនីយ៍ទោ រស់ អៀម នាយរងការិយាល័យប្រឆាំងបទល្មើសសេដ្ឋកិច្ចខេត្តបន្ទាយមានជ័យបានប្រាប់ថា នៅពេលឃាត់រថយន្តដឹកគ្រឿងក្នុងជ្រូក កម្លាំងនគតបាលប្រឆាំងបទល្មើសសេដ្ឋកិច្ចខេត្តបានស្រាវជ្រាវ និងកំណត់មុខសញ្ញាឃាត់រថយន្ត១គ្រឿងដែលពាក់ស្លាកលេខភ្នំពេញ2AB-7392 ដែកដឹកគ្រឿងក្នុងជ្រូកចំនួន៩កេសទំងន់៦០០គីឡូក្រាម ជាពោះជ្រូកដែលឃាត់កាលពីថ្ងៃទី១៤ មិថុនា នៅចំណុចខាងកើតស្ពានទឹកផ្លាប្រមាណ១០០ម៉ែត្រស្ថិតភូមិ-សង្កាត់ទឹកផ្លាក្រុង
សិរីសោភ័ណ។
លោកបានបញ្ជាក់ថា ក្រោយពេលឃាត់រថយន្តដឹកគ្រឿងក្នុងជ្រូក ដែលជាពោះវៀតជ្រូកហើយនាំយកទៅការិយាល័យ ដើម្បីសាកសួរម្ចាស់ឡានថា គាត់ដឹកអោយពីក្រុងប៉ោយប៉ែតទៅភ្នំពេញចំនួន៩កេស១កេសតំលៃ៣ម៉ឺនរៀល ហើយគ្រឿងក្នុងជ្រូកឈ្មួញនាំពីប្រទេសថៃដែលដឹកខុសច្បាប់គ្មានលក្ខណៈបច្ចេកទេសនិងខូចគុណភាព។
ចែករំលែកព័តមាននេះ