រាជធានីភ្នំពេញ ៖ ចាត់ទុកជាមោនភាពមួយសម្រាប់វិស័យសិល្បៈចម្រៀងនៅក្នុងព្រះរាជាណាចក្រកម្ពុជា ក្នុងពេលដែលកំពូលតារាចម្រៀងលំដាប់ជួរមុខនៅក្នុងផលិតកម្មរស្មីហង្សមាស លោកព្រាប សុវត្ថិ ត្រូវបានគេចាត់បញ្ជូលនៅក្នុងបញ្ជីនៃការប្រកួតប្រជែងដណ្តើមពានរង្វាន់ដែលមានឈ្មោះថា World Music Awards 2014។
រាជធានីភ្នំពេញ ៖ ចាត់ទុកជាមោនភាពមួយសម្រាប់វិស័យសិល្បៈចម្រៀងនៅក្នុងព្រះរាជាណាចក្រកម្ពុជា ក្នុងពេលដែលកំពូលតារាចម្រៀងលំដាប់ជួរមុខនៅក្នុងផលិតកម្មរស្មីហង្សមាស លោកព្រាប សុវត្ថិ ត្រូវបានគេចាត់បញ្ជូលនៅក្នុងបញ្ជីនៃការប្រកួតប្រជែងដណ្តើមពានរង្វាន់ដែលមានឈ្មោះថា World Music Awards 2014។
កម្មវិធីប្រកួតប្រជែងដ៏ធំ និងជាអន្តរជាតិមួយនេះ តារាចម្រៀងលោកព្រាប សុវត្ថិ បានស្ថិតនៅក្នុងបញ្ជីរឈ្មោះដណ្ដើមយកពានរង្វាន់ក្នុងផ្នែក World Best Male Artist ដែលក្នុងបញ្ជីនោះ មានតារាចម្រៀងប្រុសល្បីៗជាច្រើននាក់ មកពាសពេញពិភពលោក ដើម្បីធ្វើការប្រកួតប្រជែងផងដែរ។
តាមការគ្រោងទុកជ័យលាភីទាំងអស់ និងត្រូវប្រកាសក្នុងកម្មវិធី World Music Awards ដែលនឹងត្រូវរៀបចំឡើងនៅថ្ងៃទី២៧ ខែឧសភា នៅទីក្រុង Monte Carlo ប្រទេសម៉ូណាកូ ជាមោនភាពរបស់តារាចម្រៀងចាស់វស្សា និងល្បីមិនចេះរីងស្ងួតប្រចាំផលិតកម្មរស្មីហង្សមាស លោកព្រាប សុវត្ថិ បានបញ្ជាក់ប្រាប់កោះសន្តិភាពតាមទូរស័ព្ទថា លោកមានការភ្ញាក់ផ្អើលយ៉ាងខ្លាំងនៅពេលដែលលោកបានទទួលព័ត៌មានពីវត្តមានរបស់លោកនៅក្នុងកម្មវិធីប្រកួតប្រជែងដណ្តើមពានរង្វាន់ដ៏ធំ និងជាលក្ខណៈអន្តរជាតិប្រចាំឆ្នាំនាពេលនេះ។ លោកបន្ថែមថា កម្មវិធីនេះ តាមតែលោកដឹង គឺគេបានជ្រើសរើសយកតារាចម្រៀងល្បីៗ និងមានទឹកដមពីរោះដែលមានប្រមាណជាង៣០០នាក់ នៅពាសពេញពិភពលោក ដើម្បីដាក់ឲ្យបោះឆ្នោតធ្វើការប្រកួតប្រជែង។
លោកព្រាប សុវត្ថិ បញ្ជាក់ថា កម្មវិធីខាងលើនេះ ធ្វើឡើងមិនមែនធ្វើការប្រកួតប្រជែងអ្វីឡើយ ប៉ុន្តែជាការរៀបចំសម្រាប់ជ្រើសរើសយកតារាចម្រៀងដែលល្បី ហើយមានទឹកដមសំនៀងពីរោះតាំងពីកំណើត និងមានគេទទួលស្គាល់ជាលក្ខណៈអន្តរជាតិ។ លោកបន្ថែមថា ទើបតែឆ្នាំប៉ុណ្ណោះ ដែលរូបលោកមានវត្តមាននៅក្នុងបញ្ជីកម្មវិធី World Music Awards 2014 ហើយនេះចាត់ទុកជាមុខមាត់មួយយ៉ាងធំសម្រាប់រូបលោក ក៏ដូចជាជនជាតិកម្ពុជាទាំងមូលផងដែរ ដោយហេតុថា កម្មវិធីនេះ គឺត្រូវបានជ្រើសរើសយកតែតារាចម្រៀងដែលមានទេពកោសល្យខ្ពស់ និងមានទឹកដមសំនៀងល្អ ដែលគេចាត់ទុកជាតារាចម្រៀងដ៏អស្ចារ្យសម្រាប់ពិភពលោក។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ