រាជធានីភ្នំពេញ ៖ យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសរបស់នាយកដ្ឋានសណ្តាប់ធ្នាប់នៃអគ្គស្នងការដ្ឋាននគរបាលជាតិ ក្នុងពិធីបុណ្យចូលឆ្នាំថ្មីប្រពៃណីជាតិរយៈពេល៥ថ្ងៃ គិតចាប់ពីថ្ងៃទី១៣ដល់ថ្ងៃទី១៧ មេសា គ្រោះថ្នាក់ចរាចរណ៍បានកើតទ្បើង១៨៥លើក កើនទ្បើង២៥% បើប្រៀបធៀបរយៈពេលដូចគ្នាក្នុងឆ្នាំ២០១៣ បណ្តាលឱ្យមនុស្សស្លាប់៤៨នាក់ ថយចុះ២៧% និងរបួសធ្ងន់-ស្រាល៤០៦នាក់ កើនទ្បើង៣៣% ។
និន្នន័យគ្រោះថ្នាក់ចរាចរណ៍បង្ហាញថា គ្រោះថ្នាក់ចរាចរណ៍កើតមានសរុបចំនួន១៨៥លើក បើប្រៀបធៀបនឹងឆ្នាំ២០១៣ ក្នុងរយៈពេលដូចគ្នាដែលកើតមាន១៤៨លើក ។ គឺកើន៣៧លើក ស្មើ២៥% បណ្តាលឱ្យមនុស្សស្លាប់៤៨នាក់ ។ បើប្រៀបធៀបនឹងឆ្នាំ២០១៣ មនុស្សស្លាប់៦៦នាក់ ថយចុះ១៨នាក់ស្មើនឹង២៧% ។ រងរបួសសរុប៤០៦នាក់ បើប្រៀបធៀបនឹងឆ្នាំ២០១៣ ដែលរបួស៣០៥នាក់ គឺកើន១០១នាក់ ស្មើ៣៣% ។ ក្នុងនោះរបួសធ្ងន់២៥០នាក់ បើប្រៀបធៀបឆ្នាំ២០១៣ ដែលមាន១៨៣នាក់គឺកើន៦៧នាក់ ស្មើ២៨% ។
ក្នុងចំណោមអ្នករងគ្រោះសរុបទាំងអស់ មានអ្នកថ្មើរជើង២២នាក់ បើប្រៀបធៀបនឹងឆ្នាំ២០១៣ ដែលមាន២០នាក់ គឺកើន២នាក់ស្មើ១០% ។ អ្នកបើកបរម៉ូតូនិងអ្នករួមដំណើរមិនពាក់មួកសុវត្ថិភាព៣២៥នាក់ បើប្រៀបធៀបឆ្នាំ២០១៣ ដែលមាន១៦២នាក់ គឺកើន១៦៣នាក់ ស្មើ១០១% ។ នៅក្នុងគ្រោះថ្នាក់ចរាចរណ៍នេះដែរ បណ្តាលឱ្យខូចខាតម៉ូតូ២៥៣គ្រឿង ។ បើប្រៀបធៀបនឹងឆ្នាំ២០១៣ ដែលខូចខាតម៉ូតូ១៨៦គ្រឿង គឺកើន៦៧គ្រឿងស្មើ៣៦% ។រថយន្តធុនស្រាល៤៦គ្រឿង បើប្រៀបធៀបឆ្នាំ២០១៣ ខូចខាត៤៧គ្រឿង ថយ១គ្រឿងស្មើ២% ។ រថយន្តធុនធ្ងន់៥គ្រឿង បើប្រៀបធៀបឆ្នាំ២០១៣ ខូចខាត២គ្រឿងកើន៣គ្រឿងស្មើ៣% ។ យានផ្សេងៗទៀត១៣គ្រឿង បើប្រៀបធៀបឆ្នាំ២០១៣ ខូចខាត៧គ្រឿង កើន៦គ្រឿង ស្មើ៨៦% ។ មូលហេតុបង្កឱ្យមានគ្រោះថ្នាក់ ក្នុងនោះ ល្មើសល្បឿន៦១លើក ស្រវឹង២៨លើក បើកបរជែងគ្រោះថ្នាក់២៦លើក ។ មិនគោរពសិទ្ធិអាទិភាព២០លើក ។ មិនប្រកាន់ស្តាំ១៧លើក ។បត់ឆ្វេងស្តាំមិនប្រុងប្រយ័ត្ន១១លើក ងងុយដេក១លើក កត្តាយានយន្ត៥លើក កត្តាផ្លូវ៤លើក កត្តាអាកាសធាតុ១លើក និងកត្តាផ្សេងៗ១១លើក ។
ខេត្តដែលមានគ្រោះថ្នាក់ច្រើន គឺ៖ ខេត្តតាកែវ២១លើក ស្លាប់១នាក់ របួសធ្ងន់៣២នាក់ របួសស្រាល១៩នាក់ ។
ខេត្តបន្ទាយមានជ័យ១៩លើក ស្លាប់៤នាក់ របួសធ្ងន់២៦នាក់ របួសស្រាល១៩នាក់ ។
ខេត្តបាត់ដំបង១៤លើក ស្លាប់៤នាក់ របួសធ្ងន់១៩នាក់ របួសស្រាល១៥នាក់ ។
ខេត្តកំពង់ចាម១៤លើក ស្លាប់២នាក់ របួសធ្ងន់១៨នាក់ របួសស្រាល១៦នាក់ ។
ខេត្តកំពត១៣លើក ស្លាប់៣នាក់ របួសធ្ងន់២១នាក់ របួសស្រាល៥នាក់ ។
ខេត្តកំពង់ឆ្នាំង១២លើក ស្លាប់៣នាក់ របួសធ្ងន់១៩នាក់ របួសស្រាល១១នាក់ ។
ដោយទ្បែកនៅក្នុងឱកាសបុណ្យចូលឆ្នាំចិន-វៀតណាម រយៈពេល៥ថ្ងៃ ចាប់ពីថ្ងៃទី៣០ មករា ដល់ថ្ងៃទី៣ កុម្ភៈ ឆ្នាំ២០១៤ កន្លងមកគ្រោះថ្នាក់ចរាចរណ៍ទូទាំងប្រទេសមានចំនួន៩៨លើក ។ បណ្តាលឱ្យមនុស្សស្លាប់ចំនួន៣៣នាក់ របួសធ្ងន់ចំនួន១១៦នាក់ របួសស្រាលចំនួន៨១នាក់ ។ បើប្រៀបធៀបទៅនឹងឆ្នាំ២០១៣ ក្នុងរយៈពេលដូចគ្នាមនុស្សស្លាប់មានការថយចុះ២៤% ។ កត្តាបណ្តាលឱ្យគ្រោះថ្នាក់កើតទ្បើងមកពីបើកបរក្នុងស្ថានភាពស្រវឹងមាន២៦លើក ។ បើកបរលើសល្បឿនកំណត់មាន៤១លើក ។ មិនគោរពសិទ្ធិអាទិភាពមាន៩លើក ។ មិនប្រកាន់ស្តាំ៥លើក ជែងក្នុងស្ថានភាពគ្រោះថ្នាក់១០លើក និងកត្តាផ្សេងៗទៀតចំនួន២លើក ។
គួរបញ្ជាក់ថា គ្រោះថ្នាក់ចរាចរណ៍ទូទាំងប្រទេសក្នុងត្រីមាសទី១ ឆ្នាំ២០១៤ (ចាប់ពីថ្ងៃទី១១ វិច្ឆិកា ឆ្នាំ២០១៣ ដល់ថ្ងៃទី១០ កុម្ភៈ ឆ្នាំ២០១៤) កើតទ្បើង១៣០៦លើក ។ បើប្រៀបធៀបនឹងត្រីមាសទី១ ឆ្នាំ២០១៣ ដែលកើតទ្បើង១១៦៣លើក គឺកើនទ្បើង១៤៣លើក ស្មើ១២% ។ មនុស្សស្លាប់៥៨៥នាក់ បើប្រៀបធៀបឆ្នាំ២០១៣ មនុស្សស្លាប់៥៤០នាក់ កើនទ្បើង៤៥នាក់ ស្មើ៨% ។ របួសធ្ងន់១២៨១នាក់ បើប្រៀបធៀបឆ្នាំ២០១៣ របួសធ្ងន់១១៤៦នាក់ កើនទ្បើង១៣៥នាក់ ស្មើ១២% ។ របួសស្រាល៩៤៤នាក់ បើប្រៀបធៀបឆ្នាំ២០១៣ របួសស្រាល៧៥១នាក់ កើនទ្បើង១៩៣នាក់ស្មើ២៦% ។
នៅក្នុងគ្រោះថ្នាក់ចរាចរណ៍ក្នុងត្រីមាសទី១ ឆ្នាំ២០១៤ នេះដែរ បណ្តាលឱ្យខូចខាតម៉ូតូ១៣២៨គ្រឿង រថយន្តតូច៥១៥គ្រឿង រថយន្តធំ១៨៣គ្រឿង យានផ្សេងៗទៀតខូចខាត១២៣គ្រឿង ។
អ្នកថ្មើរជើងរងគ្រោះ១៤៥នាក់ មិនពាក់មួកពេលគ្រោះថ្នាក់១០៧១នាក់ ។ បើប្រៀបធៀបនឹងត្រីមាសទី១ឆ្នាំ២០១៣ ដែលមាន៥៣៩នាក់ គឺកើនទ្បើង៥៣២នាក់ ស្មើ៩៩% ៕
ចែករំលែកព័តមាននេះ