រាជធានីភ្នំពេញ ៖ កាលពីថ្ងៃទី១១ មេសា កន្លងទៅនេះ ក្រុមហ៊ុន Samsung បានរៀបចំកម្មវិធីរត់ហាត់ប្រាណ ដើម្បីសុខភាព គឺ Samsung Runner 5 ក្នុងគោលបំណងលើកកម្ពស់ពីសុខភាពដល់ប្រជាជនកម្ពុជាទាំងអស់ ។ កម្មវិធីនេះធ្វើឡើងមានការចូលរួមពី កញ្ញាឱក សុគន្ធកញ្ញា ដែលជាអ្នកតំណាងផលិតផល Samsung ហើយក៏ជាតារាចម្រៀងល្បីមួយរូបក្នុងវិស័យសិល្បៈចម្រៀងនៅកម្ពុជា រួមជាមួយមិត្តភកិ្ត បុគ្គលិកក្រុមហ៊ុន Samsung ក្នុងឈុតសម្លៀកបំពាក់កីឡាជាមួយនាឡិកា Samsung Gear Fit ដោយធ្វើការរត់ហាត់ប្រាណចំងាយ១,០៥២ម៉ែត្រ ចាប់ផ្តើមពីពហុកីឡាដ្ឋាន អូឡាំពិក រួចឆ្លងកាត់មហាវិថីសីហនុ ដើម្បីទៅដល់ហាងលក់ទូរស័ព្ទទំនើប Samsung KLD 3 ដែលជាទីផ្តាច់ព្រ័ត្រ។
ក្នុងរយៈចម្ងាយនោះផងដែរ ក្រុមអ្នកចូលរួមរត់ហាត់ប្រាណបានចូលសម្រាកនៅហាងលក់ទូរស័ព្ទទំនើប នីកា និងសៀង លីន ដោយពូកគាត់អាចទទួលបានបទពិសោធន៍ប្រើប្រាស់សាកល្បងទូរស័ព្ទ Samsung Galaxy s5 ដែលទើបតែចេញថ្មីៗនេះ ថាតើទូរស័ព្ទនេះមានភាពអស្ចារ្យលើសគេចំណុចណាខ្លះ?
ក្នុងអំឡុងពេលឈប់សម្រាកនៅហាងលក់ទូរស័ព្ទទំាងពីរនេះកញ្ញាឱក សុគន្ធកញ្ញា បានធ្វើការសាកសួរជាលក្ខណៈទូទៅក៏ដូចជាផលិតផល Samsung ដែលមាននៅក្នុងហាងរបស់គាត់ និងអំពីការលក់នូវផលិតផលទំាងនេះផងដែរ។ យោងតាមម្ចាស់ហាង នី កា បានមានចំណាប់អារម្មណ៍លើទូរស័ព្ទ Samsung Galaxy s5 ថា ចំណុចដែល Samsung Galaxy s5 ផ្តល់ជួនពិសេសប្លែកជាងគេគឺកម្មវិធីសុខភាពដែលបំពាក់នៅក្នុងទូរស័ព្ទស្រាប់ប្រៀបបីដូចជាមានលោកវេជ្ជៈបណ្ឌិតប្រចំាខ្លួនសម្រាប់ផ្តល់ជូននូវព័ត៌មានទុកចិត្តអំពីការថែទំាសុខភាព ហើយអ្វីដែលពិសេសទៀតនោះ គឺមានអតិថិជនជាច្រើនបានមកសាកសួរនិងកុម៉្មង់ទិញអស់ជាច្រើនគ្រឿងតំាងពីមិនទាន់មានការដាក់លក់នៅលើទីផ្សារ។
ចំណែកម្ចាស់ហាងទូរស័ព្ទ សៀង លីន ក៏បានប្រាប់ពីចំណាប់អារម្មណ៍លើទូរស័ព្ទ Samsung Galaxy s5ថា ទូរស័ព្ទ Samsung Galaxy s5 ដែលទើបចេញថ្មីនេះមានចំណុច និងមុខងារពិសេសជាច្រើនជាងគេ ហើយចំណុចដែលគួរកត់សំគាល់នោះគឺទូរស័ព្ទនេះមិនជ្រាបទឹក សមត្ថភាពកាមេរ៉ាអាចថតរូបច្បាស់ល្អ ជាមួយល្បឿនលឿននៃប្រព័ន្ធដំណើរការ និងអិនធើណែតផងដែរ។ ហើយតាមរយៈបច្ចេកវិជ្ជាថ្មីទំនើចុងក្រោយរបស់ Samsung Galaxy s5 ខ្ញុំជឿថា ពិតជាជួយជម្រុញការលក់បានរហ័សសម្រាប់ហាងរបស់ខ្ញុំ និងហាងទូរស័ព្ទដទៃទៀត។
កម្មវិធីរត់ហាត់ប្រាណ Samsung Runner 5 រៀបចំឡើងក្នុងគោលបំណងផ្សាភ្ជាប់រវាងបច្ចេកវិជ្ជានិងសុខភាព ហើយនេះបង្ហាញយ៉ាងច្បាស់ថា Samsung ចង់ពង្រីកសក្តានុភាពជាអ្នកនំាមុខគេជាមោទនភាពផ្នែកបច្ចេកវិជ្ជា ដូចជាការបង្កើតនូវនាឡិកា Samsung Gear Fit ដែលផ្សាភ្ជាប់រវាងសុខភាពនិងការរស់នៅប្រចំាថ្ងៃរបស់យើងទៅនឹងទូរស័ព្ទដៃ។ហើយនាឡិកា Samsung Gear Fit គ្រប់គ្នាស្គាល់ថាជាដំណោះស្រាយបញ្ហាសុខភាពទំនើបចុងក្រោយដែលរចនាឡើងផ្តល់ភាពងាយស្រួល ហើយអេក្រង់ភ្លឺច្បាស់ត្រជាក់ភ្នែកបើធៀបទៅនឹងឧបករណ៍សុខភាពផ្សេងៗ Samsung Gear Fit នេះផ្តល់ជួនអត្ថសប្រយោជន៍ច្រើនជាងគេដូចជាសារជួនដំណឹងបន្ទាន់ពីទូរស័ព្ទស្មាតហ្វូន Galaxy ដូចជាការហៅទូរស័ព្ទចូល អ៊ីម៉ែល សារ SMS ការជួនដំណឹងS-planner កម្មវិធី 3rd party ខណៈពេលដែលលោកអ្នកកំពុងធ្វើការផ្សេងៗដូច្នេះលោកអ្នកនៅតែអាចភ្ជាប់ទំនាក់ទំនងបាន ។
ពិសេសជាងនេះទៅទៀតគឺនាឡិកា Samsung Gear Fitផ្តល់ជូននៅការណែនំាក៏ដូចជាដំបូន្មានអំពីលំហាត់ប្រាណសុខភាពដែលមិនមានក្រុមហ៊ុនបច្ចេកវិជ្ជាណាផ្តល់ជួនដូចនេះបានទេ។ Samsung Electronics co., Ltd គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្តល់លទ្ធភាពថ្មីៗជួនមនុស្សគ្រប់រូបគ្រប់ទីកន្លែង តាមរយៈការបង្កើតថ្មីនិងរបបគំហើញឥតឈប់ឈរយើងកំពុងតែផ្លាស់ប្តូរឲ្យកាន់តែប្រសើរឡើងនូវពិភពទូរទស្សន៏ ស្មាតហ្វូន កុំព្យូទ័រផ្ទាល់ខ្លួន ម៉ាស៊ីនបោះពុម្ព កាមេរ៉ា ប្រព័ន្ធ LTD ឧបករណ៍ពេទ្យ ឧបករណ៏អគ្គិសនីនិងដំណោះស្រាយ LTD។ព័ត៌មានបន្ថែមសូមមើលគេហទំព័រwww.samsung.com ។
ចែករំលែកព័តមាននេះ