រាជធានីភ្នំពេញ ៖ បុរសជនជាតិបារាំងម្នាក់ចេញពីស្តារម៉ាតទិញស្រាបៀរ៤ដបច្រកថង់ដើរត្រឡប់ទៅផ្ទះវិញត្រូវចោរ២នាក់ជិះម៉ូតូមកដល់ឆក់ដបស្រាបៀរពីដៃវាយបែកក្បាល ហើយយកសំបកដបចាក់បណ្តាលឱ្យរបួសធ្ងន់ទើបប្លន់យកកាបូបលុយជិះគេចបាត់ស្រមោល។
រាជធានីភ្នំពេញ ៖ បុរសជនជាតិបារាំងម្នាក់ចេញពីស្តារម៉ាតទិញស្រាបៀរ៤ដបច្រកថង់ដើរត្រឡប់ទៅផ្ទះវិញត្រូវចោរ២នាក់ជិះម៉ូតូមកដល់ឆក់ដបស្រាបៀរពីដៃវាយបែកក្បាល ហើយយកសំបកដបចាក់បណ្តាលឱ្យរបួសធ្ងន់ទើបប្លន់យកកាបូបលុយជិះគេចបាត់ស្រមោល។ ហេតុការណ៍នេះបានកើតឡើងកាលពីវេលាម៉ោង១២ និង៣០នាទីរំលងអធ្រាត្រឈានចូលថ្ងៃទី២៣ ធ្នូ ២០១៣ ខាងលិចសារមន្ទីរជាតិតាមផ្លូវលេខ១៧៨កែង១៣ សង្កាត់ជ័យជំនះ ខណ្ឌដូនពេញ ។
អ្នកឃើញហេតុការណ៍បានឱ្យដឹងថា មុនពេលកើតហេតុជនជាតិបារាំងបានចូលទៅក្នុងផាន់ដាម៉ាតទិញស្រាបៀរចំនួន៤ដប ហើយច្រកថង់ដើរត្រឡប់ទៅកន្លែងស្នាក់នៅ ខណៈពេលកំពុងដើរតាមផ្លូវលេខ១៧៨ចេញពីម៉ាតបានប្រមាណ៣០ម៉ែត្រស្រាប់តែមានចោរ២នាក់ជិះម៉ូតូធុនសេ១២៥មួយគ្រឿងមកដល់បានឆក់យកដបស្រាបៀរពីជនជាតិបារាំងយកទៅវាយក្បាលបណ្តាលឱ្យបែកដប ហើយយកសំបកដបចាក់ទៅលើមុខ ក និងខ្នងជនរងគ្រោះបណ្តាលឱ្យរបួសធ្ងន់ទើបប្លន់យកកាបូបលុយពីជនរងគ្រោះ រួចនាំគ្នាជិះគេចខ្លួនបាត់អស់។
ក្រោយពេលកើតហេតុជនរងគ្រោះរបួសធ្ងន់ត្រូវរថយន្តសង្គ្រោះដឹកទៅព្យាបាលនៅមន្ទីរពេទ្យកាល់ម៉ែត ចំណែកលុយនៅក្នុងកាបូបដែលចោរប្លន់យកទៅបាត់នោះមិនដឹងថាមានចំនួនប៉ុន្មានទេ ព្រោះជនជាតិបារាំងអត់ចេះនិយាយខ្មែរ ៕
ចែករំលែកព័តមាននេះ