បន្ទាប់ពីមីហ្គែន យាំុងគ្រងមកុដបវរកញ្ញាឯកពិភពលោកកាលពីខែកញ្ញា ឆ្នាំ២០១៣ ប្រទេសហ្វ៊ីលីពីនកំពុងមានក្ដីសង្ឃឹមថា រាជនីសម្រស់របស់ខ្លួនអាចនឹងប្រមូលយកបានមកុដបវរកញ្ញាចក្កវាឡមួយបន្ថែមទៀតសម្រាប់ឆ្នាំ២០១៣ នេះ ។ បវរកញ្ញាចក្កវាឡរបស់ប្រទេសហ្វ៊ីលីពីនឆ្នាំ២០១៣នាងអារីអែលឡា អារីដា វ័យ២៤ឆ្នាំ កំពុងត្រូវបានអ្នកគាំទ្រតាមប្រព័ន្ធបណ្ដាញសង្គមហ្វេសប៊ុកមានការចាប់អារម្មណ៍យ៉ាងខ្លាំងទៅលើរូបសម្រស់របស់នាងហើយបានផ្ញើសារគាំទ្រនាងយ៉ាងច្រើន ។ តាមរយៈការផ្ញើសារនេះកញ្ញាអារីដា ជាប់ចំណាត់ថ្នាក់លេខ៥ក្នុងចំណោមបេក្ខនារីដែលត្រៀមចូលរួមប្រកួតទាំង៨៧នាក់បើទោះជាការប្រឡងមិនទាន់បានចាប់ផ្ដើមនៅឡើយក្ដី ។
កញ្ញាអារីដា មានកម្ពស់១,៧៣ម៉ែត្រ គឺជានិស្សិតផ្នែកគីមីវិទ្យាមកពីសាកលវិទ្យាល័យ Los Banos ប្រទេសហ្វ៊ីលីពីន ។ នាងបានគ្រងមកុដបវរកញ្ញាឯកចក្កវាឡហ្វ៊ីលីពីនកាលពីថ្ងៃទី១៤ ខែមេសា ឆ្នាំ២០១៣ ។ការប្រកួតបវរកញ្ញាចក្កវាឡឆ្នាំ២០១៣នឹងត្រូវរៀបចំធ្វើឡើងនៅថ្ងៃទី៩ វិច្ឆិកា ឆ្នាំ២០១៣ ក្នុងសាលមហោស្រព Crocus ទីក្រុងម៉ូស្គូប្រទេសរុស្ស៊ី ៕
ចែករំលែកព័តមាននេះ