ខេត្តព្រះសីហនុ ៖ ហេតុការណ៍គ្រោះថ្នាក់មួយបានកើតឡើងរវាងរថយន្តម៉ាកធុនត្រា ពណ៌ខ្មៅបុកជាមួយរថយន្តកុងតឺន័រ កាលពីវេលាម៉ោង១០និង១០នាទីព្រឹកថ្ងៃទី១៣ សីហា នៅចំណុចមុខមន្ទីរសាធារណការ និងដឹកជញ្ជូនខេត្ត ចំណុចផ្លូវចំណោតលោកយាយម៉ៅ ស្ថិតក្នុងភូមិ៣ សង្កាត់១ ក្រុងព្រះសីហនុ ។
ខេត្តព្រះសីហនុ ៖ ហេតុការណ៍គ្រោះថ្នាក់មួយបានកើតឡើងរវាងរថយន្តម៉ាកធុនត្រា ពណ៌ខ្មៅបុកជាមួយរថយន្តកុងតឺន័រ កាលពីវេលាម៉ោង១០និង១០នាទីព្រឹកថ្ងៃទី១៣ សីហា នៅចំណុចមុខមន្ទីរសាធារណការ និងដឹកជញ្ជូនខេត្ត ចំណុចផ្លូវចំណោតលោកយាយម៉ៅ ស្ថិតក្នុងភូមិ៣ សង្កាត់១ ក្រុងព្រះសីហនុ ។
មន្ត្រីនគរបាលបានឱ្យដឹងថា គ្រោះថ្នាក់ដ៏គួរឱ្យភ្ញាក់ផ្អើលនោះពុំបណ្តាលឱ្យប៉ះពាល់ដល់អាយុជីវិតមនុស្សណាម្នាក់ទេ ។ រថយន្តកុងតឺន័រម៉ាកនីស្សាន់ ពណ៌ទឹកប្រាក់ ពាក់ស្លាកលេខភ្នំពេញ 3A-1681 បើកបរដោយឈ្មោះ ញ៉ែម ថា ភេទប្រុស អាយុ៣១ឆ្នាំ ក្នុងទិសដៅពីកើតទៅលិចបានបុកជាមួយរថយន្តម៉ាកធុនត្រា ពណ៌ខ្មៅ ពាក់ស្លាកលេខភ្នំពេញ 2I-1188 បើកបរដោយឈ្មោះ លី គឹមលន់ ភេទប្រុស អាយុ៦០ឆ្នាំ ជាអាជីវករ មានលំនៅផ្ទះលេខ៩ តាមផ្លូវលំម្តុំមាត់ទន្លេនៅព្រែកលាប ក្នុងខណ្ឌឫស្សីកែវ ក្នុងទិសដៅពីលិចទៅកើតបញ្ច្រាសទិសគ្នា។
ប្រភពដដែលបានបន្តថា គ្រោះថ្នាក់បានកើតឡើងនៅពេលដែលរថយន្តកុងតឺន័របួងចង្កូតគេចរថយន្តទីកូ ហើយជ្រុលចូលទៅកណ្តាលទ្រូងផ្លូវ ស្របពេលរថយន្តម៉ាកធុនត្រាបើកឡើងចំណោតទៅដល់ជាន់ហ្វ្រាំងមិនទាន់ ក៏បុកគ្នាតែម្តង ។ដោយឡែកសាក្សីបាននិយាយថា មុនពេលកើតហេតុមានរថយន្តនិងម៉ូតូជាច្រើនធ្វើដំណើរនៅលើដងផ្លូវជាតិ ។ ពេលនោះរថយន្តកុងតឺន័របើកចុះចំណោតមានសភាពរេចង្កូតពេញផ្លូវ ស្របពេលដែលរថយន្តធុនត្រាបើកឡើងចំណោត ។
ស្រាប់តែភ្លាមនោះរថយន្តកុងតឺន័រងាកក្បាលទៅកណ្តាលថ្នល់បុកជាមួយរថយន្តធុនត្រាពេញទំហឹងបណ្តាលឱ្យកកស្ទះចរាចរណ៍យ៉ាងខ្លាំង ។ សាក្សីបន្តថា សំណាងហើយដែលរថយន្តបត់ក្បាលនៅកណ្តាលថ្នល់នោះ បើសិនជ្រុលមកចិញ្ចើមផ្លូវដែលមានហាងលក់កាហ្វេ និងមនុស្សអង្គុយវិញនោះ ប្រហែលជាក្លាយទៅជាសោកនាដកម្មធ្ងន់ធ្ងរបាត់ទៅហើយ ។ក្រោយកើតហេតុ រថយន្តទាំង២គ្រឿងត្រូវសមត្ថកិច្ចយកទៅរក្សាទុកនៅការិយាល័យចរាចរណ៍ខេត្តរង់ចាំដោះស្រាយតាមច្បាប់ ៕
ចែករំលែកព័តមាននេះ