នាងស្ពៀរត្រូវអតីតអ្នកការពារប្តឹងពីបទរំលោភបំពានផ្លូវភេទ
ដោយ ៖ ប្រុសកោះ
ថ្ងៃព្រហស្បត្ត៏ ទី៩ ខែកញ្ញា ឆ្នាំ២០១០ ម៉ោង ១៦:០៧
គេហទំព័របរទេស
នាងប្រ៊ីនីស្ពៀរ តារាចំរៀងប៉ុបល្បីឈ្មោះ និងសិចស៊ី
នាងប្រ៊ីនីស្ពៀរ តារាចំរៀងប៉ុបល្បីឈ្មោះ និងសិចស៊ី ត្រូវបានប្រភពព័ត៌មានមួយឱ្យដឹងថា ពេលនេះនាងប្រឈមមុខនឹងបញ្ហាផ្ទាល់ខ្លួនធ្ងន់ធ្ងរថ្មីមួយទៀត ដោយត្រូវបុរសម្នាក់ដែលអះអាងថា ជាអតីតអ្នកការពារនាងដាក់ពាក្យប្តឹងនាងពីបទបំពានផ្លូវភេទ ។ បុរសរូបនេះឈ្មោះ Fernando Flores អះអាងថា បានធ្វើការជាអ្នកការពារនាងស្ពៀរ កាលពីខែកុម្ភៈកន្លងមក ហើយគេកំពុងស្វះស្វែងរកការទាមទារប្រាក់ចំពោះទង្វើដែលចាត់ទុកថាជាការបំពានផ្លូវភេទលើរូបលោកគេនាងស្ពៀរ ។
តាមពាក្យបណ្តឹងដែលបានដាក់ទៅតុលាការក្នុងទីក្រុងឡូសអេនចឺឡេស លោក Fernando Flores បានចោទប្រកាន់ថា នាងស្ពៀរ បានប៉ុនប៉ងបំពានផ្លូវភេទលោកម្តង ហើយម្តងទៀតដោយអះអាងថា នាងស្ពៀរ បានហៅលោកឱ្យចូលក្នុងបន្ទប់របស់នាង ដើម្បីបង្ហាញរាងកាយអាក្រាតរបស់នាង ។
ទោះបីជាបែបណា ទាក់ទិនទៅនឹងករណីប្តឹងនាងស្ពៀរ នោះ មេធាវីរបស់ស្ពៀរ បានបដិសេធមិនធ្វើអត្ថាធិប្បាយឡើយ ៕
