រាជធានីភ្នំពេញ ៖ តារាចម្រៀងល្បីឈ្មោះដែលដកថយពីសង្វៀនតន្ត្រី ដោយសាររបួសស្នាមធ្ងន់ធ្ងរ ពៅ បញ្ញាពេជ្រ បានចាប់ផ្តើមហាត់ច្រៀងឡើងវិញហើយបន្ទាប់ពីសម្រាកព្យាបាលអស់ជាច្រើនឆ្នាំ ហើយការចាប់ផ្តើមលេចមុខជាថ្មីនេះត្រូវបាននាងបង្ហើរសំនៀងក្រអែមក្រអួនតាមរយៈបណ្តាញផ្សព្វផ្សាយហ្វេសប៊ុកកាលពីដើមខែឧសភា ២០១៣ កន្លងមក បង្កឱ្យមានការចាប់អារម្មណ៍យ៉ាងខ្លាំងពីស្រទាប់មហាជន និងអ្នកស្នេហាវិស័យសិល្បៈចម្រៀង ជាពិសេសអ្នកគាំទ្រនាងតែម្តង ។
ជាការឆ្លើយតបទៅនឹងអ្នកគាំទ្រទឹកដមសំឡេងរបស់នាង កញ្ញាពៅ បញ្ញាពេជ្រ បានច្រៀងដោយគ្មានភ្លេង (ច្រៀងគោក) គឺបទ «សង្ឃឹមថ្ងៃមួយ… និង… សំបុត្រក្រោមខ្នើយ» ។ កញ្ញាពៅ បញ្ញាពេជ្រ បានមានប្រសាសន៍ថា «ដើម្បីបំពេញតាមសំណូមពរដល់បងប្អូនទាំងអស់ដែលតែងតែចង់ស្តាប់សំឡេងនាងខ្ញុំថា តើដូចមុនដែរឬទេ? នាងខ្ញុំមិនហ៊ានសន្និដ្ឋានបានទេ តែនាងខ្ញុំ និងព្យាយាមតទៅទៀត ព្រោះក៏ជាលំហាត់ប្រាណមួយដែរ ដូចជាការហាត់បប្រើដង្ហើម ហើយពេលខ្លះ ការច្រៀងលេងក៏ទទួលបានអារម្មណ៍ស្រស់ស្រាយដែរ សូមអរគុណទោះពេញចិត្តក្តី ឬមិនពេញចិត្តក្តី ៕
ចែករំលែកព័តមាននេះ