រាជធានីភ្នំពេញ ៖ របាំងថ្មចែកផ្លូវព្រះមុនីវង្សត្រង់ចំណុចភ្លើងស្តុបបូកគោ ស្ថិតក្នុងសង្កាត់បឹងត្របែក ខណ្ឌចំការមន បានរងនូវការខូចខាតបាក់អស់២កង់ ដោយសាររថយន្តរបស់ជនជាតិហ្វីលីពីនមួយគ្រឿងម៉ាកមែរសឺដេស ពណ៌ស បើកបុក កាលពីវេលាម៉ោង៣និង៣០នាទីទៀបភ្លឺ ថ្ងៃទី៣ ឧសភា ២០១៣ ។
រាជធានីភ្នំពេញ ៖ របាំងថ្មចែកផ្លូវព្រះមុនីវង្សត្រង់ចំណុចភ្លើងស្តុបបូកគោ ស្ថិតក្នុងសង្កាត់បឹងត្របែក ខណ្ឌចំការមន បានរងនូវការខូចខាតបាក់អស់២កង់ ដោយសាររថយន្តរបស់ជនជាតិហ្វីលីពីនមួយគ្រឿងម៉ាកមែរសឺដេស ពណ៌ស បើកបុក កាលពីវេលាម៉ោង៣និង៣០នាទីទៀបភ្លឺ ថ្ងៃទី៣ ឧសភា ២០១៣ ។
តាមប្រភពព័ត៌មានពីបុរសជនជាតិហ្វីលីពីនដែលជាអ្នកបើកបររថយន្តខាងលើឱ្យដឹងថា មុនពេលកើតហេតុរូបគាត់បានបើករថយន្តតាមបណ្តោយផ្លូវព្រះមុនីវង្ស ក្នុងទិសដៅពីជើងទៅត្បូងបំណងឆ្ពោះទៅផ្ទះប្រពន្ធជាជនជាតិខ្មែរស្នាក់នៅសង្កាត់បឹងត្របែក ខណ្ឌចំការមន តែចៃដន្យមើលរបាំងថ្មចែកផ្លូវមិនទាន់ក៏ជ្រុលល្បឿនបុករបាំងថ្មតែម្តងទៅ ។ បុរសជនជាតិបរទេសដដែលនេះបានបដិសេធថា រូបគាត់អត់ទទួលទានគ្រឿងស្រវឹងនោះទេ គឺទើបនឹងចេញពីហូបបបរ.សនៅម្តុំពេទ្យចិន ដោយឡែកសមត្ថកិច្ចជំនាញបាននិយាយថា ក្នុងខ្លួនគាត់មានជាតិអាល់កុលខ្លាំងណាស់មិនបាច់វាស់នឹងឧបករណ៍ក៏ដឹងដែរ តាមរយៈការឈរនិយាយស្តីជិតគាត់គឺជះក្លិនស្រាឆួលច្រមុះតែម្តង ។
ឧប្បត្តិហេតុគ្រោះថ្នាក់ចរាចរណ៍ ខាងលើនេះមិនបណ្តាលឱ្យមានមនុស្សណាម្នាក់រងរបួស ឬគ្រោះថ្នាក់អ្វីឡើយ ហើយរថយន្តក៏មិនខូចខាតធ្ងន់ធ្ងរប៉ុន្មានដែរ ៕
ចែករំលែកព័តមាននេះ