ខេត្តកំពត ៖ ពិធីកាត់ផ្លែឈើក្នុងមង្គលការមួយ បានក្លាយជាការភ័យរន្ធត់ផ្អើលរត់ជាន់គ្នាទាំងអ្នកដើមការនិងភ្ញៀវព្រមទាំងអ្នកភ្លេងបន្ទាប់ពីយុវជនម្នាក់ត្រូវគេគប់នឹងកែវរបួសបែកក្បាលហូរឈាម និងម្តាយខាងស្រីព្រមទាំងសាច់ញាតិម្នាក់ទៀតដួលសន្លប់ ។
តាមប្រភពព័ត៌មានឱ្យដឹងថា ពិធីមង្គលការនេះបានរៀបចំឡើងកាលពីថ្ងៃ៦កើតខែចេត្រ ត្រូវនឹងថ្ងៃទី១៦ មេសា នៅកោះតាព្រហ្ម ភូមិបឹងធំ ឃុំអង្គសុរភី
ខេត្តកំពត ៖ ពិធីកាត់ផ្លែឈើក្នុងមង្គលការមួយ បានក្លាយជាការភ័យរន្ធត់ផ្អើលរត់ជាន់គ្នាទាំងអ្នកដើមការនិងភ្ញៀវព្រមទាំងអ្នកភ្លេងបន្ទាប់ពីយុវជនម្នាក់ត្រូវគេគប់នឹងកែវរបួសបែកក្បាលហូរឈាម និងម្តាយខាងស្រីព្រមទាំងសាច់ញាតិម្នាក់ទៀតដួលសន្លប់ ។
តាមប្រភពព័ត៌មានឱ្យដឹងថា ពិធីមង្គលការនេះបានរៀបចំឡើងកាលពីថ្ងៃ៦កើតខែចេត្រ ត្រូវនឹងថ្ងៃទី១៦ មេសា នៅកោះតាព្រហ្ម ភូមិបឹងធំ ឃុំអង្គសុរភី ស្រុកកំពង់ត្រាច ។ ពិធីបានប្រារព្ធធ្វើទៅតាមទំនៀមទម្លាប់តាំងពីព្រឹករហូតដល់ល្ងាច ដោយមានប្រគំតន្ត្រីយ៉ាងអឺងកងផង ដែរ ។ លុះនៅវេលាម៉ោង៨និង៣០នាទីយប់ ខណៈភ្ញៀវទាំងសងខាងកំពុងពិសាភោជនាហារ និងចូលដល់ពិធីកាត់ផ្លែឈើ ស្រាប់តែកើតមានជម្លោះមួយនៅក្នុងរោងការនេះ ដោយមានចាននិងកែវ ហើរព្រោងព្រាតស្រោចដាក់គ្នា ។ ពេលនោះធ្វើឱ្យភ្ញៀវដែលចូលរួមនិងក្រុមអ្នកភ្លេងបានរត់ចែកផ្លូវគ្នាអស់ហើយម្តាយកូនក្រមុំ និងស្ត្រីម្នាក់ទៀតដែលជាសាច់ញាតិខាងស្រីសន្លប់ ។ ចំណែកយុវជនម្នាក់នៅភូមិភ្នំដំរី ឃុំដំណាក់កន្ទួតបានរងរបួសក្បាលហូរឈាមជោកអាវ ត្រូវបានគេគ្រាហ៍ចេញពីរោងការ ។
បន្ទាប់ពីមានផ្ទុះអំពើហិង្សាដាក់គ្នានៅក្នុងរោងការនោះមាន នគរបាលប៉ុស្តិ៍អង្គសុរភីដឹកនាំដោយលោកច្រឹង យ៉ុង នាយរងប៉ុស្តិ៍ក៏បាននាំកម្លាំងនគរបាលប៉ុស្តិ៍ចំនួន៦នាក់មកដល់កន្លែងកើតហេតុ ។ ទោះជាយ៉ាងណា ការសួរនាំមិនអាចដឹងថា ជម្លោះនោះផ្ទុះចេញពីខាងណាទេ ព្រោះមនុស្សម្នាចូលរួមច្រើន ប៉ុន្តែមានរងរបួសម្នាក់ បែកក្បាលដោយសារគេគប់នឹងកែវត្រូវ រីឯម្តាយកូនក្រមុំដែលសន្លប់នោះក៏មិនមានរងរបួសអ្វីដែរ តែដោយសារគាត់រន្ធត់ពេក ។
ចំណែកឪពុកកូនក្រមុំវិញបានគ្រវីក្បាលហើយនិយាយថា គាត់ខាតបង់ច្រើនព្រោះម្ហូបអាហារនៅសល់២០តុទៀតដែលភ្ញៀវមិនទាន់មក ស្រាប់តែកើតជម្លោះមិនដឹងចេញពីណា ថែមទាំងធ្វើឱ្យខកខានមិនបានកាត់ផ្លែឈើ ហើយភ្ញៀវក៏ចាកចេញពីរោងការស្ងាត់អស់ ៕
ចែករំលែកព័តមាននេះ