ព័ត៌មាន«កូរ៉េហ័ររ៉ល»និង អាស៊ីញូវណេត វើក ផ្សាយឱ្យដឹងដោយយោងលើលទ្ធផលស្រាវជ្រាវពីការពេញចិត្តក្នុងតួនាទីការងារ កាលពីថ្ងៃទី១៥ឧសភា ថា បុគ្គលិកនៅការិយា ល័លរបស់កូរ៉េខាងត្បូងយល់ថា «អាជីពសម្តែង គឺជាអាជីពដែលមានសេចក្តីសុខ បំផុត។
លទ្ធផលស្រាវជ្រាវនោះបានពីការសាកសួរបុគ្គិលបម្រើការងារក្នុងការិយាល័យទាំងបុរស-ស្ត្រីចំនួន១.៧០៩នាក់ថា តើអាជីព ណា ជាអាជីពដែលមានសេចក្តីសុខបំផុត ? លទ្ធផលបង្ហាញថាអាជីពជាតារាសម្តែងស្ថិតនៅលំដាប់ថ្នាក់ទី១ឬមានប្រហែល១៨,៧% និង ក្រៅពីតារាសម្តែងនិងតារាចម្រៀង ក៏នៅមានកវីនិពន្ធនិងវិចិត្រករផងដែរ ។ បន្ទាប់មកទៀតគឺអាជីពជាអ្នកនយោបាយមាន១១,៤% អាជីពជាចុងទៅមាន១០,២% និងអាជីពផ្នែកជំនាញផ្សេងៗទៀត ដូចជាគ្រូពេទ្យនិងអ្នកច្បាប់មាន៩,៧% ។ ជាង៦០%នៃអ្នកឆ្លើយសំណួរបានផ្តល់ពីហេតុផលថាអាជីពសម្តែងគឺជាអាជីពមានសេចក្តីសុខច្រើន ព្រោះពួកគេបានប្រតិបត្តិការនូវអ្វីដែលពួកគេស្រឡាញ់។
ចំណែក៣២,៧% និយាយថា អាជីពសម្តែងអាចរកចំណូលបានច្រើននិង២៦,២%ទៀត បញ្ជាក់ថាអាជីពទាំងនេះមានពេលវេលាទំនេរសម្រាប់ខ្លួនឯងច្រើន ៕
ចែករំលែកព័តមាននេះ