យោងទៅតាមប្រភពព័ត៌មានពីកាសែតអង់គ្លេស Telegraf ចេញផ្សាយកាលពីថ្ងៃអាទិត្យទី៦ ឧសភា ឆ្នាំ២០១២ បានឱ្យដឹងថា នាង Julia Skalkovich បានជាប់ជ័យលាភីបវរកញ្ញាបេឡារុស ប្រចាំឆ្នាំ២០១២ ។ ក្រៅពីទទួលបានមកុដជ័យលាភី និងប្រាក់រង្វាន់ជាង៦ពាន់ដុល្លារបរវកញ្ញាវ័យ២០ឆ្នាំ រូបនេះក៏ទទួលបានពានរង្វាន់មួយបន្ថែមទៀតគឺពានរង្វាន់បវរបកញ្ញាថតរូបស្អាតជាងគេ (Miss Photo) ផងដែរ ។ ចំណែកឯនាង Victoria Saviel ទទួលបានចំណាត់ថ្នាក់លេខ២ និងនាង Anastasya ទទួលបានចំណាត់ថ្នាក់លេខ៣ ។
ការប្រឡងបវរកញ្ញាបែលឡារុសនេះត្រូវបានគេប្រារព្ធធ្វើឡើងកាលពីថ្ងៃទី៤ ឧសភា ឆ្នាំ២០១២ នៅក្នុងទីក្រុងមីនស្កិ៍ ដោយមានបេក្ខនារីចំនួន២៨នាក់ មកពីតំបន់ផ្សេងៗក្នុងប្រទេសបែឡារុស ចូលរួមប្រកួត ។
បេសកកម្មរបស់បវរកញ្ញាបែលឡារុសនឹងទៅបង្ហាញវត្តមានប្រឡងវបរកញ្ញាពិភពលោកឆ្នាំ២០១២ នៅក្នុងប្រទេសម៉ុងហ្គោលី និងប្រទេសចិន ក្នុងខែសីហា ឆ្នាំ២០១២ ។ ដោយឡែកបវរកញ្ញាចំណាត់ថ្នាក់លេខ២ និងលេខ៣ ក៏មានភារកិច្ចតំណាងឱ្យប្រទេសបែឡារុស ក្នុងកម្មវិធីបរវកញ្ញាអន្តរជាតិ និង Miss Supranational ប្រចាំឆ្នាំ២០១២ ផងដែរ ៕
ចែករំលែកព័តមាននេះ