រដ្ឋមន្ត្រីក្រសួងសុខភាពរបស់អាហ្វហ្គានីស្ថានបាននិយាយកាលពីថ្ងៃទី៣ មេសាថា របេងនៅតែជាជំងឺដែលគម្រាមកំហែងដល់បញ្ហាសុខភាពសាធារណៈរបស់ប្រទេសខ្លួនខណៈក្នុងមួយឆ្នាំៗមានអ្នកបាត់បង់ជីវិតដោយជំងឺនេះប្រមាណ១០.៥០០នាក់។
លោកស្រី ស៊ូរ៉ាយ៉ា ដាលីលបញ្ជាក់ថា៖ «អាហ្វហ្គានីស្ថានជាប្រទេសមួយក្នុងចំណោមប្រទេស២២ដែលកំពុងរងគ្រោះដោយជំងឺរបេងហើយរបេងជាបញ្ហាសុខភាពចំបងមួយនៅក្នុងប្រទេស»។ក្នុងមួយឆ្នាំៗ គេរកឃើញករណីថ្មីៗនៃជំងឺរបេងប្រមាណជា ៥៣.០០០ករណីក្នុងអាហ្វហ្គានីស្ថាន។ លោកស្រីបន្តថា ៖«តួលេខទទួលបានក្នុងប្រព័ន្ធព័ត៌មានជំងឺរបេងបង្ហាញថា បណ្តាស្ត្រីអាហ្វហ្គានីស្ថានជាអ្នកទទួលរងគ្រោះថ្នាក់ដោយជំងឺនេះខ្លាំងជាងបុរសដោយក្នុងនោះ ៦៦ភាគរយនៃអ្នកឆ្លងជំងឺរបេងថ្មីគឺជាស្ត្រី។ឆ្នាំទៅមិញ ក្មេងអាយុក្រោម១៥ឆ្នាំ ជាង៦៧០នាក់ឆ្លងជំងឺរបេងដោយក្នុងចំណោមនោះ ៤៦៥ករណីគឺជាក្មេងស្រី»។
វេជ្ជបណ្ឌិត Ahmad Shadoulមន្ត្រីអង្គការសុខភាពពិភពលោកប្រចាំនៅអាហ្វហ្គានីស្ថានបញ្ជាក់ថា៖« នៅក្នុងចំនួនអ្នកឆ្លង៥៣.០០០នាក់ មាន១០ភាគរយគឺជាក្មេង »។
លោក Shadoul និយាយថា អង្គការសុខភាពពិភពលោកនឹងបន្តគាំទ្រកិច្ចខិតខំប្រឹងប្រែងរបស់អាហ្វហ្គានីស្ថានក្នុងការការពារនិងព្យាបាលជំងឺរបេង៕
ចែករំលែកព័តមាននេះ