ទីភ្នាក់ងារព័ត៌មានបរទេសផ្សាយឱ្យដឹងថា លោក ហ្វ្រេត ហ្គ្រុនទើត អាយុ៨៥ឆ្នាំ អ្នកស្រុកអ័រលែនដូ រដ្ឋផ្លរីដា បានចំណាយពេលជាង២៥ឆ្នាំ ដើម្បីច្នៃបង្កើតមឈូស «ហ្វារ៉ូ» ដែលចំណាយអស់ថវិកាប្រហែល ១០.០០០ដុល្លារ ។
លោកបានប្រើវិធីសាស្ត្រសិក្សាដោយផ្ទាល់ក្នុងការឆ្លាក់មឈូសសព ឱ្យដូចមឈូស«ហ្វារ៉ូ» យកលំនាំតាមមឈូសបុរាណរបស់អេហ្ស៊ីប និងមានក្តីសង្ឃឹមថា មឈូសហ្វារ៉ូ នេះ ដែលមានប្រវែង២,១ម៉ែត្រ នឹងធ្វើជាឧបករណ៍បញ្ចុះសពរបស់ខ្លួន ហើយស្ថានភាពសពនឹងក្លាយជាម៉ាំមីដូចគ្នានឹង «ហ្វារ៉ូ» នៅអេហ្ស៊ីបដែរ ។
លោក ហ្វ្រេត ហ្គ្រុនទើត និយាយថា ចាត់ទុកជាជោគជតារាសីរបស់ខ្លួនត្រូវគ្នានឹងលក្ខណៈវប្បធម៌របស់អេហ្ស៊ីប ព្រោះលោកបានចាប់កំណើតក្នុងឆ្នាំដែលអ្នកបុរាណវិទ្យាប្រទះឃើញកន្លែងបញ្ចុះសពបែបបុរាណរបស់អេហ្ស៊ីប និងមានជំនឿថា នេះគឺជាជោគជតារាសី និងធ្វើឱ្យរូបលោកមានជីវិតរស់នៅដូចគ្នានឹងអារ្យធម៌បុរាណអេហ្ស៊ីប ៕
ចែករំលែកព័តមាននេះ