រាជធានីភ្នំពេញ ៖ នៅថ្ងៃទី៥ កញ្ញា រាជសារសម្តេចព្រះនរោត្តម សីហនុ ពីទីក្រុងប៉េកាំង បានផ្ញើជូនសម្តេចអគ្គមហាសេនាបតីតេជោ ហ៊ុន សែន ថា ខ្ញុំមានហឫទ័យរំភើបពន់ពេក និងថ្លែងអំណរព្រះគុណ និងកតវេទិតាដ៏ជ្រាលជ្រៅជាទីបំផុតជូនសម្តេចអគ្គមហាសេនាបតីតេជោ ដែលមានហឫទ័យដ៏សប្បុរសជាទីបំផុត
រាជធានីភ្នំពេញ ៖ នៅថ្ងៃទី៥ កញ្ញា រាជសារសម្តេចព្រះនរោត្តម សីហនុ ពីទីក្រុងប៉េកាំង បានផ្ញើជូនសម្តេចអគ្គមហាសេនាបតីតេជោ ហ៊ុន សែន ថា ខ្ញុំមានហឫទ័យរំភើបពន់ពេក និងថ្លែងអំណរព្រះគុណ និងកតវេទិតាដ៏ជ្រាលជ្រៅជាទីបំផុតជូនសម្តេចអគ្គមហាសេនាបតីតេជោដែលមានហឫទ័យដ៏សប្បុរសជាទីបំផុត ក្នុងការណែនាំរៀបចំប្រារព្ធពិធីបុណ្យចំនួនបីដ៏មហោឡា
រិកគឺ ៖ បុណ្យចំរើនជន្មាយុខ្ញុំ, ទិវាបុណ្យឯករាជ្យជាតិកម្ពុជា និងខួប២០ឆ្នាំ នៃការនិវត្តមកកាន់មាតុប្រទេសនៃខ្ញុំ ។
ក្នុងរាជសារបានសរសេរបន្តថា នៅក្នុងឱកាសដ៏ល្អប្រពៃនេះ ខ្ញុំសូមសម្តែងនូវការកោតសរសើរដ៏កក់ក្តៅជាទីបំផុតសម្តេចអគ្គមហាសេនាបតីតេជោ ដែលជាអ្នកដឹកនាំជាតិដ៏ឈ្លាសវៃ ប៉ិនប្រសប់ក្នុងការបម្រើប្រជាជាតិ មាតុភូមិ និងប្រជារាស្ត្រកម្ពុជា ។ សមិទ្ធផលដ៏ច្រើនសន្ធឹកសន្ធាប់ពាសពេញព្រះរាជាណាចក្រកម្ពុជា គឺជាសក្ខីកម្មជាប្រវត្តិសាស្ត្រនៃការបំពេញបេសកកម្មដ៏ឧត្ដុង្គឧត្តមរបស់សម្តេចអគ្គមហាសេនាបតីតេជោ ដើម្បីជាឧត្តមប្រយោជន៍ប្រជាជាតិ និងប្រជារាស្ត្រកម្ពុជា ។
ជាមួយគ្នានេះដែរ ព្រះអង្គក៏បានផ្ញើជូនសម្តេចចៅហ្វាវាំង គង់ សំអុល ប្រធានគណៈកម្មាធិការជាតិរៀបចំបុណ្យជាតិ-អន្តរជាតិថា ខ្ញុំបានទទួលនូវផែនការណែនាំស្តីពីការរៀបចំប្រារព្ធពិធីបុណ្យដ៏មហោឡារិកចំនួនបី ៖ បុណ្យចំរើនជន្មាយុខ្ញុំ, ទិវាបុណ្យឯករាជ្យជាតិកម្ពុជា និងខួប២០ឆ្នាំនៃការនិវត្តមកកាន់មាតុប្រទេសនៃខ្ញុំ ។
ខ្ញុំសូមថ្លែងអំណរគុណ និងកតវេទិតាដ៏ជ្រាលជ្រៅជូនសម្តេចចៅហ្វាវាំង ក្នុងការលើកផែនការរៀបចំប្រារព្ធពិធីបុណ្យខាងលើយ៉ាងលំអិត តាមការណែនាំដ៏ខ្ពង់ខ្ពស់របស់រាជរដ្ឋាភិបាលកម្ពុជា។ នៅក្នុងឱកាសនេះ ខ្ញុំសូមសម្តែងនូវការកោតសរសើរដ៏កក់ក្តៅជាទីបំផុតសម្តេចចៅហ្វាវាំង អ្នកសេ្នហាជាតិដ៏ល្អប្រពៃ ប៉ិនប្រសប់ ហើយបំពេញភារកិច្ចទទួលបានជោគជ័យណាស់ ក្នុងការបម្រើប្រជាជាតិ មាតុភូមិ ព្រះមហាក្សត្រ និងប្រជារាស្ត្រកម្ពុជា ៕
ចែករំលែកព័តមាននេះ