តារា​សម្តែង​ខ្សែ​ភាពយន្ត​ក្តៅ​សាច់​ជប៉ុន​ នាង​ សារ៉ា​ អាអៃ ​ដ៏​ស្រស់​ស្អាត ​ពេល​នេះ​បាន ​ក្លាយ​​ជា​​តួ​ឯក​ក្នុង​ខ្សែ​ភាពយន្ត​ព្រឺ​ក្បាល​របស់​ប្រទេស​​ឥណ្ឌូ​ណេ​ស៊ី ។ ​ខ្សែ​ភាពយន្ត​បែប​រន្ធត់ ​តក់​ស្លុត ​និង​គួរ​ឱ្យ​ភ័យ​ខ្លាច​​នេះ​មាន​​ចំណង​​ជើង​ថា​ Suster Keramas 2 ​ឬ​ Shampooing Nurse​ ឬ​គ្រូពេទ្យ​ម៉ាស្សា ។ ​ខ្សែ​ភាពយន្ត​នោះ ​ត្រូវ​បាន​ក្រុមហ៊ុន​ Maximas Picture ​ជា​អ្នក ​ផលិត​ដែល​គេ​ស្គាល់​រឿង​នោះ​​ថា ​ជា​គ្រូពេទ្យ​បិសាច​វគ្គ​២ ​(The Evil Nurse 2)​​ យក​គំរូ​តាម​ខ្សែ​ភាពយន្ត​មួយ​​កាល​​ពីឆ្នាំ​២០០៩ ដែល​ចូលរួមសម្តែងពីសំណាក់​តារា​ភាពយន្ត​ក្តៅសាច់​ជប៉ុនផងដែរឈ្មោះ Rin Sakuragi ។

លោក Odi Mulya Hidayat អ្នកផលិត ខ្សែភាពយន្តបាននិយាយថា នាងសារ៉ា នឹងត្រូវ​សម្តែង​ក្នុងខែ្សភាពយន្ត រួមជាមួយតួប្រុស Ricky Harun ជាតួក្នុង​ប្រទេស​ឥណ្ឌូណេ​ស៊ី ដែលនឹងចាប់ផ្តើមដាក់បញ្ចាំង​នៅថ្ងៃ​ទី១២​មេសា ។ លោកបន្តថា ការជ្រើសរើស​យក​នាង​មកសម្តែងដោយសារភាពល្បីល្បាញ​របស់ នាង។ នាងសារ៉ាមានប្រជាប្រិយភាពជាង​នាង Miyabi និងនាង Sakuragi ។ ជាងនេះទៅ​ទៀត នាងទទួលបានតម្លៃខ្លួនថ្លៃ​ជាងនាង Miyabi។ ក្នុងប្រទេសឥណ្ឌូណេស៊ី នាង Miyabi ពិត​ជា​មានប្រជាប្រិយភាពខ្លាំងណាស់ តែក្នុង​ប្រទេស​ជប៉ុន និងបណ្តាប្រទេសអាស៊ីមួយ​ចំនួន​នាង​សារ៉ាមានភាព​ល្បីល្បាញ​ជាង។ នេះ​បើតាម​សម្តី​របស់អ្នកផលិតខ្សែភាពយន្ត។

លោក Odi បន្តថា យើងនឹង​ដាក់បញ្ចាំងនៅ​ក្នុងប្រទេសម៉ាឡេស៊ី ហុងកុង ថៃ និងកោះ​តៃវ៉ាន់ ដែលជាកន្លែងនាងសារ៉ាមាន​កេរ្តិ៍ឈ្មោះ​ល្បី។ ខ្សែ​ភាព​យន្ត​Suster Keramas 2នេះ មិនមែន​ជា​ខ្សែភាព​យន្តក្តៅ​សាច់ទេ ។ នាងសារ៉ា អាអៃមិនមែនជា​តារា​ភាព​យន្ត​ក្តៅសាច់ដំបូងទេ ដែលបានប្រឡូកក្នុងវិស័យ​សិល្បៈភាពយន្តបែបព្រឺក្បាល ក្នុងប្រទេស​ឥណ្ឌូ​ណេស៊ី។ តារាភាពយន្តជប៉ុនដូច​ជានាងMiyabi នាងRin Sakuragi និងតារាយុវវ័យ​ជាតិ​អាមេរិកនាង Tera Partrick ក៏បានចូល​សម្តែង​ក្នុង​ខ្សែភាព​យន្តបែបរន្ធត់របស់ប្រទេស​ឥណ្ឌូ​ណេស៊ីដែរ ៕