រាជធានីភ្នំពេញ ៖ ស្ត្រីម្នាក់ត្រូវប្តីប្រមឹកវាយបែកក្បាល និងបាក់ជើងខាងស្តាំ ដោយមិនដឹងមូលហេតុ ហើយរត់គេចខ្លួនបាត់ស្រមោលទុកឱ្យប្រពន្ធនៅដេកឈឺចុកចាប់ក្នុងរោងកម្មករម្នាក់ឯងបង្កការភ្ញាក់ផ្អើល ត្រូវបានអ្នកជិតខាងប្តឹងសមត្ថកិច្ចចុះអន្តរាគមន៍ និងដឹកទៅសង្គ្រោះនៅមន្ទីរពេទ្យកាលពីម៉ោង១០យប់ថ្ងៃទី២៨ វិច្ឆិកា នៅក្នុងការដ្ឋានសង់ថ្មីខាងលិចរោងចក្រកាត់ដេរសម្លៀកបំពាក់ហាណាខេមបូឌា១ ស្ថិតនៅភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ ។
ស្ត្រីរងរបួសខាងលើឈ្មោះ ពេជ្រ សុផល អាយុ៤៤ឆ្នាំ ជាកម្មករសំណង់ស្នាក់នៅក្នុងការដ្ឋានភូមិកើតហេតុខាងលើ និងមានស្រុកកំណើតភូមិបាន ឃុំដើម ស្រុកកណ្តាលស្ទឹង ខេត្តកណ្តាល ។ ចំណែកប្តីដែលប្រើអំពើហិង្សាឈ្មោះ អោក សាត អាយុ៤៦ឆ្នាំ ជាកម្មករសំណង់ ស្នាក់នៅការដ្ឋានខាងលើ និងមានស្រុកកំណើតនៅភូមិតាសូរ ស្រុកពាមជ័រ ខេត្តព្រៃវែង ក្រោយពីវាយប្រពន្ធរងរបួសហើយបានកេចខ្លួនបាត់ ។
ប្រភពព័ត៌មានបានប្រាប់ថា មុនកើតហេតុ គេឃើញប្តីប្រពន្ធខាងលើបានផឹកស៊ីនៅក្នុងរោងស្នាក់នៅខាងលើ ក្រោយមកស្រាប់តែឈ្លោះប្រកែកគ្នាដោយឮសំឡេងស្ត្រីជាប្រពន្ធស្រែកឱ្យគេជួយ តែគ្មានអ្នកណាចាប់អារម្មណ៍ឡើយ (ប្តីប្រពន្ធខាងលើឧស្សាឈ្លោះគ្នា) មួយសន្ទុះក្រោយមកអ្នកជិតខាងច្របាច់ពិលមើល ស្រាប់តែឃើញក្បាលហូរឈាម និងជើងខាងស្តាំឃើញមានស្នាមបាក់ក៍រាយការណ៍ប្រាប់សមត្ថកិច្ចមូលដ្ឋានឱ្យចុះទៅពិនិត្យ និងបានហៅរថយន្តសង្គ្រោះមកដឹកទៅកាន់មន្ទីរពេទ្យដើម្បី សង្ក្រោះ ចំណែកប្តីខាងលើក្រោយបង្កហើយបានរត់កេចខ្លួនបាត់តែម្តង ៕
ចែករំលែកព័តមាននេះ