ខេត្តត្បូងឃ្មុំ ៖ អតីតពលការិនីបំរើការងារនៅប្រទេសម៉ាឡេស៊ីម្នាក់ឈ្មោះ ញ៉ ស្រីលីម អាយុ៣០ឆ្នាំ តូចចិត្តកើតរោគសរសៃប្រសាទមើលមិនជាបានសំរេចចិត្តចង.កធ្វើអត្តឃាតបញ្ចប់ជីវិតនៅក្នុងបន្ទប់ទឹកផ្ទះរបស់ខ្លួន ។
ហេតុការណ៍នេះបានកើតឡើងចន្លោះម៉ោងពី៤ទៅ៥ល្ងាច ថ្ងៃទី៨ វិច្ឆិកា ២០១៥ ស្ថិតនៅភូមិក្បាលអូរ ឃុំគរ ស្រុកត្បូងឃ្មុំ ព្រមទាំងបានបង្កឲ្យមានការភ្ញាក់ផ្អើលកម្លាំងសមត្ថកិច្ចចុះទៅពិនិត្យសពផងដែរ ។
តាមអធិការរងនគរបាលស្រុកត្បូងឃ្មុំ លោកវរសេនីយ៍ត្រី ឡុង សារិន ប្រាប់ឲ្យដឹងថា ដោយសារតែកត្តាជីវភាពមានការខ្វះខាតនោះឈ្មោះ ស្រីលីម បានចាកចេញពីស្រុកកំណើតទៅបំរើការងារតាមផ្ទះក្នុងប្រទេសម៉ាឡេស៊ី ក្នុងអំឡុងឆ្នាំ២០០៨ ដោយមិនស្របច្បាប់ដើម្បីយកថវិកាមកផ្តត់ផ្គង់ដល់ក្រុមគ្រួសារដែលកំពុងតែជួបការលំបាក ។
អធិការរងនគរបាលស្រុកត្បូងឃ្មុំ លោកវរសេនីយ៍ត្រី ឡុង សារិន ប្រាប់បន្តឲ្យដឹងទៀតថា រូបលោកក៏មិនបានដឹងពីស្ថានភាពរស់នៅបរទេសនោះជួបការលំបាកបែបណានោះទេ ។ ក្រោយមកនៅរដូវបុណ្យចូលឆ្នាំប្រពៃណីជាតិខ្មែរ២០១៥ កន្លងទៅឈ្មោះស្រីលីម បានវិលត្រឡប់មកផ្ទះវិញបែរជាកើតរោគសរសៃប្រសាទបង្កការលំបាកក្នុងគ្រួសារថែមទៀត ។
អធិការរងនគរបាលរូបនេះបានអះអាងថា នៅពេលខ្លះអ្នកស្រុកសម្លឹងមើលមុខស្រីលីម ក៏មិនបានផង បន្ទាប់មកឪពុកម្តាយបានទិញថ្នាំឲ្យលេបជាបន្តបន្ទាប់ តែស្ថានភាពជំងឺមិនបានថមថយធូរស្រាលឡើយ ។ ជាក់ស្តែងនៅវេលាម៉ោង៩ និង៣០នាទីព្រឹក ថ្ងៃទី៨ វិច្ឆិកា ២០១៥ ឪពុកម្តាយបានចេញពីផ្ទះទៅបាចជីដាក់ស្រូវបាត់ ដោយទុកស្រីលីមតែម្នាក់ឯង លុះដល់វេលាម៉ោង៥ល្ងាចទើបត្រឡប់មកវិញ បានស្រែកហៅ
រកកូនស្រី តែមិនឮសូរលំលេងឆ្លើយតបនោះទេ ហើយបន្ទប់ទឹកក្រោមផ្ទះបិទទ្វារទៀត ។
ដោយមានការសង្ស័យឪពុកម្តាយក៏ដើរទៅអើតមើលក្នុងបន្ទប់ទឹកស្រាប់តែឃើញនារីរងគ្រោះចង.កធ្វើអត្តឃាតស្លាប់បាត់ទៅហើយ៕
ចែករំលែកព័តមាននេះ