រាជធានីភ្នំពេញ ៖ ជនសង្ស័យ៣នាក់ត្រូវម្ចាស់គេទាន់ និងចាប់ខ្លួនបានភ្លាមៗពេលកំពុងធ្វើសកម្មភាពយកឈើប្ញស្សីឆ្កឹះលួចយកលុយក្នុងស្តង់លក់ផ្លែឈើ ក្នុងផ្សារនាគមាស ស្ថិតក្នុងសង្កាត់ផ្សារដើមគរ ខណ្ឌទួលគោក កាលពីវេលាម៉ោង២រំលងអធ្រាត្រឈានចូលថ្ងៃទី ០៦ តុលា ២០១៥ ។
យោងតាមសំដីជនរងគ្រោះឈ្មោះហួន ហេង ភេទស្រី អាយុ៦៣ឆ្នាំ ស្នាក់នៅផ្ទះលេខ១៤ ផ្លូវលេខ២៣៩ សង្តាត់ផ្សារដើមគរ ខណ្ឌទួលគោក បានឱ្យដឹងថា ពេលគាត់កំពុងតែដេក គាត់បានឭសំលេងគ្រួកគ្រាក់ ដូចជាមានគេយករបស់អ្វីមកគាស់នៅខាងក្នុងស្តង់លក់ផ្លែឈើរបស់គាត់លេខ 8C 9C 10C ដោយពេលនោះគាត់ក៏ភ្ញាក់ដឹងខ្លួនឡើង ព្រោះថា គាត់ធ្លាប់ត្រូវចោរចូលមកលួចលុយអស់ម្តងហើយ ទើបលែងទុកចិត្តក៏មើលថា មានអ្វីស្រាប់តែបានឃើញមនុស្សយកឈើឬស្សីមួយកំពុងឆ្កឹះលួចយកលុយរបស់គាត់ ។
ឃើញដូចនោះគាត់ក៏ស្រែកឆោឡោ ថាចោរៗ ធ្វើឱ្យមានការភ្ងាក់ផ្អើលដល់បងប្អូនរបស់គាត់ រួមទាំងអាជីវករក្នុងផ្សារនាគមាសចេញមកឡោមព័ទ្ធចាប់បានជនសង្ស័យទាំងនាក់យកមកឱ្យសមត្ថកិច្ចភ្លាមៗតែម្តង ៕
ចែករំលែកព័តមាននេះ