ខេត្តកំពង់ចាម ៖ សេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា អនុវត្តតាមបទបញ្ជារបស់លោកឧត្តមសេនីយ៍បែន រ័ត្ន ស្នងការនគរបាលខេត្តបានចាត់ឱ្យកម្លាំងក្រោមឱវាទចុះបង្ក្រាបគ្រឿងញៀន ដោយធ្វើឡើងដូចភ្លៀងរលឹមតាំងពីថ្ងៃទី៣ដល់ទី៤ តុលា ២០១៥ ឃាត់បានមុខសញ្ញាជួញដូរគ្រឿងញៀនជាបន្តបន្ទាប់សរុបចំនួន៧នាក់។
ដោយឡែកនៅព្រឹកថ្ងៃទី៥ តុលា នេះ ជនសង្ស័យទាំង៧នាក់សមត្ថកិច្ចត្រៀមបញ្ជូនទៅសាលាដំបូងខេត្តហើយ។
លោកវរសេនីយ៍ទោ សោម រស់ នាយការិយាល័យប្រឆាំងបទល្មើសគ្រឿងញៀនខេត្តបានឱ្យដឹងថា ជនសង្ស័យទាំង៧នាក់ដែលឃាត់ខ្លួនមាននៅស្រុកព្រៃឈរ និងក្រុងកំពង់ចាម ដោយសមត្ថកិច្ចដកហូតបានវត្ថុតាងថ្នាំញៀន៦កញ្ចប់ ជញ្ជីងអេឡិចត្រូនិក១ ឧបករណ៍សេពគ្រឿងញៀន១ និងប្រដាប់វេចខ្ចប់ជាច្រើនទៀត។
ពេលនេះសមត្ថកិច្ចកំពុងស្រាវជ្រាវតាមចាប់មុខសញ្ញាបក្សពួកបន្តទៀត៕
ព័ត៌មានលម្អិតនឹងផ្សាយជូនលើទំព័រកាសែតកោះសន្តិភាព
ចែករំលែកព័តមាននេះ