រាជធានីភ្នំពេញ ៖ ក្រុមក្មេងទំនើងបងតូចបងធំចំនួន១១នាក់ ដែលល្បីខាងកា.ប់ចាក់គ្នាយ៉ាងអនាធិបតេយ្យតាមដងផ្លូវសាធារណៈ ត្រូវបានកម្លាំងកងរាជអាវុធហត្ថខណ្ឌមានជ័យ
រាជធានីភ្នំពេញ ៖ ក្រុមក្មេងទំនើងបងតូចបងធំចំនួន១១នាក់ ដែលល្បីខាងកាប់ចាក់គ្នាយ៉ាងអនាធិបតេយ្យតាមដងផ្លូវសាធារណៈ ត្រូវបានកម្លាំងកងរាជអាវុធហត្ថខណ្ឌមានជ័យ កាលពីល្ងាចថ្ងៃទី២ កញ្ញា ចាប់ឃាត់ខ្លួននាំយកមកបញ្ជាការដ្ឋានកងរាជអាវុធហត្ថខណ្ឌ ដើម្បីអប់រំណែនាំ រួចកាត់សក់ម៉ូតថ្មីដែលពុំធ្លាប់មានពុះចំពាក់កណ្តាលក្បាលដោយទុកសក់ឱ្យនៅសងខាង ដើម្បីជាការព្រមានដល់ពួកគេឱ្យរាងចាល ។
មន្ត្រីកងរាជអាវុធហត្ថខណ្ឌ បានឱ្យដឹងថា ក្រោយការអប់រំ និងណែនាំ ដោយធ្វើការឃុំខ្លួនពួកគេមួយយប់នៅបញ្ជាការដ្ឋានកងរាជអាវុធហត្ថខណ្ឌ លុះព្រឹកឡើងបានកាត់សក់យ៉ាងអាក្រក់មើល ពោលគឺទំពែកកណ្តាលឱ្យពួកគេទាំង១១នាក់ ទុកជាការព្រមាដើម្បីមានការខ្មាសអៀន កុំគិតតែពីដើរផឹកស្រវឹង រួចប្រមែប្រមូលគ្នីគ្នាបើកឆាកកាប់សម្លាប់គ្នានៅតាមទីសាធារណៈ បង្កភាពអសន្តិសុខនៅក្នុងមូលដ្ឋានទាំងយប់ទាំងថ្ងៃនោះ ។
ទោះបីជាយ៉ាងណាក្តី ក្មេងទំនើងទាំងអស់នេះ ត្រូវបានអនុញ្ញាតឱ្យត្រឡប់ទៅលំនៅឋានវិញហើយ ក្រោយពីបានធ្វើកិច្ចសន្យាកុំឱ្យមានជាលើកទី២រួចមក បើពុំដូចនោះទេ កម្លាំងកងរាជអាវុធហត្ថនឹងបន្តនីតិវិធីទៅតាមផ្លូវច្បាប់ ៕
ចែករំលែកព័តមាននេះ