រាជធានីភ្នំពេញ ៖ សមត្ថកិច្ចនគរបាលខណ្ឌចំការមនបានធ្វើការឡោមព័ទ្ធចាប់បានជនសង្ស័យ២នាក់ពាក់ព័ន្ធករណីជួញដូរ និងប្រើប្រាស់គ្រឿងញៀននៅចំណុចផ្ទះជួលលេខ១៣ ជាន់ទី២ អគារប៊ូឌិញ ស្ថិតក្នុងសង្កាត់ទន្លេបាសាក់ ខណ្ឌចំការមន
រាជធានីភ្នំពេញ ៖ សមត្ថកិច្ចនគរបាលខណ្ឌចំការមនបានធ្វើការឡោមព័ទ្ធចាប់បានជនសង្ស័យ២នាក់ពាក់ព័ន្ធករណីជួញដូរ និងប្រើប្រាស់គ្រឿងញៀននៅចំណុចផ្ទះជួលលេខ១៣ ជាន់ទី២ អគារប៊ូឌិញ ស្ថិតក្នុងសង្កាត់ទន្លេបាសាក់ ខណ្ឌចំការមន កាលពីវេលាម៉ោង៤ និង៤៥នាទីល្ងាច ថ្ងៃទី២១ សីហា ២០១៥ ។
សមត្ថកិច្ចបានឱ្យដឹងថា ជនសង្ស័យដែលត្រូវបានចាប់ខ្លួនមាន ១-ឈ្មោះ គង់ ទិត្យ ភេទ ប្រុស អាយុ៣៣ឆ្នាំ និង២-ឈ្មោះ ចាន់ សុធី ភេទស្រី អាយុ២១ឆ្នាំ ។ ជនសង្ស័យទាំង២នាក់នេះមានមុខរបរមិនពិតប្រាកដ និងស្នាក់នៅទីតាំងខាងលើជាមួយគ្នា ។
ក្រោយពេលចាប់ខ្លួន សមត្ថកិច្ចដកហូតបានវត្ថុតាងរួមមាន ម្ស៉ៅក្រាមសថ្លា៥៨កញ្ចប់តូច, ជញ្ជីងថ្លឹងថ្នាំញៀន១, កាំភ្លើងប្រើហ្គាស១ដើម, ឧបករណ៍ជក់ថ្នាំញៀន១កំប្លេ, ថង់ប្លាស្ទីកមួយចំនួន, កន្ត្រៃ១ និងក្រដាសអាលុយមីញ៉ូម២សន្លឹក ។
សមត្ថកិច្ចបានឱ្យដឹងទៀតថា ជនសង្ស័យទាំង២នាក់ត្រូវបានបញ្ជូនទៅអធិការដ្ឋាននគរបាលខណ្ឌចំការមន ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕
ចែករំលែកព័តមាននេះ