រាជធានីភ្នំពេញ ៖ តារាចម្រៀង២ដួងនៅផលិតកម្មផ្សេងគ្នា គឺហង្សមាស និងថោន ត្រូវមហាជនកត់សម្គាល់ឃើញថា មានប្រជាប្រិយភាពប្រដេញគ្នា ។ ស្ថិតក្នុងលំដាប់កំពូលដូចគ្នា ដូច្នេះតារាចម្រៀងស្រី២ដួងនេះ
រាជធានីភ្នំពេញ ៖ តារាចម្រៀង២ដួងនៅផលិតកម្មផ្សេងគ្នា គឺហង្សមាស និងថោន ត្រូវមហាជនកត់សម្គាល់ឃើញថា មានប្រជាប្រិយភាពប្រដេញគ្នា ។ ស្ថិតក្នុងលំដាប់កំពូលដូចគ្នា ដូច្នេះតារាចម្រៀងស្រី២ដួងនេះមានតម្លៃខ្លួនច្រៀងមិនចាញ់គ្នាប៉ុន្មានឡើយ ។
តារាចម្រៀងឱក សុគន្ធកញ្ញា មានទឹកដមសំឡេងពីរោះ និងរំលេចដោយក្បាច់រាំ ប្លែកៗចេះវិវឌ្ឍខ្លួនយ៉ាងល្អពីមួយឆ្នាំទៅមួយឆ្នាំ ។ ដោយសារបែបនោះហើយតារាចម្រៀងរូបនេះរក្សាបានតំណែងជាតារាចម្រៀងមានការគាំទ្រច្រើន ។ ពេញមួយឆ្នាំ ឱក សុគន្ធកញ្ញាមានការងារច្រើនដែលត្រូវបំពេញ និងបែងចែកពេលវេលាច្បាស់លាស់ ។ ជាការកត់សម្គាល់ក្នុងមួយឆ្នាំៗស្រីស្អាតឱក សុគន្ធកញ្ញា ដែលមាននិស្ស័យសិល្បៈតាំងពីកុមារភាពមកត្រូវបណ្តាក្រុមហ៊ុនជាច្រើនទាក់ទងឱ្យផ្សព្វផ្សាយផលិតផល ។
ក្រុមហ៊ុនទាំងនោះមានទាំងក្រុមហ៊ុនទូរស័ព្ទ ក្រុមហ៊ុនទឹកផ្លែឈើ ហាងលក់សម្លៀកបំពាក់ ហាងកាត់ដេរ ក្រុមហ៊ុនសំឡីអនាម័យ និងម្សៅជាដើម។ បន្ថែមពីនេះក្នុងពិធីសម្ពោធរោងភាពយន្ត ឬខួបកំណើតរោងភាពយន្តជាដើម សុគន្ធកញ្ញាចូលរួមច្រៀង ដោយទទួលបានតម្លៃខ្លួនខ្ពស់ទៅតាមលំដាប់កេរ្តិ៍ឈ្មោះ ។
ក្រុមហ៊ុនផ្សព្វផ្សាយពាណិជ្ជកម្ម ឲ្យដឹងកាលពីពេល ថ្មីៗកន្លងមកថា ឱក សុគន្ឋកញ្ញា បើសម្តែងក្នុងកម្មវិធីប្រគំតន្ត្រីយកតម្លៃខ្លួន៣ពាន់ដុល្លារ ។ ចំពោះការថតស្ប៉តពាណិជ្ជកម្មមានកិច្ចសន្យាវិញរយៈពេលមួយឆ្នាំតម្លៃ២៥.០០០ដុល្លារ ដោយតម្លៃនេះនៅមិនទាន់ដឹងថានាងអាចចុះជាងនេះ ឬយ៉ាងណាទេ ដោយមិនមានការបញ្ជាក់ពីសាមីខ្លួន ឬខាងផលិតកម្មហង្សមាស ។ ទោះបីជាយ៉ាងណាក្តី កញ្ញាឱក សុគន្ធកញ្ញា ត្រូវគេដឹងជាយូរមកហើយថាមានការងារសម្តែងខ្ពស់ជាងគេដោយផ្អែកទៅលើទេពកោសល្យសិល្បៈ ព្រមទាំងការគោរពពេលវេលា វិន័យ និងអត្តចរិតល្អ ។
ចំណែកតារាចម្រៀងមនោសញ្ចេតនាមាស សុខសោភាវិញ តាំងតែពីចូលផលិតកម្មថោនមកមានសន្ទុះទីផ្សារសិល្បៈខ្លាំងមិនអន់ជាងឱក សុគន្ឋកញ្ញាប៉ុន្មានឡើយ ។ មាស សុខសោភា ត្រូវទស្សនិកជនយល់ឃើញថាមានការប្រជែងគ្នាយ៉ាងប្រកៀកប្រកិតជាមួយតារាចម្រៀងឱក សុគន្ធកញ្ញា អស់រយៈពេលយូរឆ្នាំមកហើយ។ ទោះជាតារាស្រី២ដួងនេះមិនមានគំនិតឈ្នះចាញ់គ្នា តែផ្អែកការងារសិល្បៈរបស់តារាទាំង២នាក់នេះបោះពួយទៅមុខស្ទើរតែដូចគ្នាទាំងការច្រៀងនិងថតស្ប៉តឱ្យក្រុមហ៊ុននានា ។
មាស សុខសោភា ត្រូវក្រុមហ៊ុន ធំៗ ហាងសម្លៀកបំពាក់ ក្រុមហ៊ុនម្សៅ និងក្រុមហ៊ុនផ្សេងទៀត កក់ធ្វើជាតារាផ្សាយពាណិជ្ជកម្មឱ្យក្រុមហ៊ុនមិនចាញ់ឱក សុគន្ធកញ្ញាទេ ។ មាស សុខសោភា មានតម្លៃខ្លួនចេញសម្តែងក្នុងកម្មវិធីប្រគំតន្ត្រីចំនួន២.៥០០ដុល្លារ ។ ចំពោះការថតស្ប៉តផ្សាយពាណិជ្ជកម្មមានចុះកិច្ចសន្យាក្នុងមួយឆ្នាំ សោភាទទួលបានតម្លៃខ្លួន១៥.០០០ដុល្លារ ប៉ុន្តែបើស្ប៉តពាណិជ្ជកម្មមិនមានកិច្ចសន្យាតម្លៃខ្លួន១២.០០០ដុល្លារ ។ តម្លៃនេះបញ្ចេញឲ្យដឹងតាមរយៈលោកមាស សុខរតនៈជាបងប្រុសរបស់មាស សុខសោភា ។
លោកមាស សុខរតនៈ ឱ្យដឹងថា «តម្លៃខ្លួនរបស់មាស សុខសោភាក្នុងកម្រិតនោះជាការណ៍ពិត តែជាតម្លៃដែលដាក់ចេញកាលពីប៉ុន្មានឆ្នាំមុន ។ គិតជាមធ្យមទេដែលមាស សុខសោភា ចេញច្រៀងក្នុងកម្មវិធីប្រគំតន្ត្រីមានតម្លៃ២.៥០០ដុល្លារ ប៉ុន្តែក៏មានតម្លៃទាបជាងនេះចាប់ពី១.៥០០ដុល្លារឡើង ។ ចំពោះថតស្ប៉តពាណិជ្ជកម្មមាស សុខសោភាទទួលតម្លៃពី១៥.០០០ដុល្លារទៅ២០.០០០ដុល្លារដែលនាងទើបតែដំឡើងក្នុងឆ្នាំ២០១៤និង២០១៥នេះ» ៕
ចែករំលែកព័តមាននេះ