រាជធានីភ្នំពេញ ៖ ក្រុមហ៊ុនអាន កូ អាហរ័ណនីហរ័ណ (anco. Brothers.Co.,ltd) ដែលមានទីតាំងលេខ២០ ផ្លូវ២១៧ ក្រុម៦២ភូមិ៧ សង្កាត់វាលវង់ ខណ្ឌ៧មករា ដោយមានបុគ្គលិកក្រុមហ៊ុនភេទស្រីចំនួន០៨នាក់ ១-ឈ្មោះផាត់ ផាន់ណា ២-ឈ្មោះសរ សុភា ៣-ឈ្មោះជិន វណ្ណះ ៤-ឈ្មោះពៅ សុខា ៥-ឈ្មោះអ៊ុំ. ផល្លា ៦-ឈ្មោះអូន ម៉ាណែត ៧-ឈ្មោះអ៊ុន សុធារី និង៨-ឈ្មោះឡាញ់ សុខនាង ដែលដឹកនាំដោយលោកស្រីអ៊ូ ទេពផល្លីន អនុប្រធានសហព័ន្ធសហជីពកម្មករចំណីអាហារ និងសេវាកម្មកម្ពុជា មានកង់បីចំនួន០១គ្រឿង, មេក្រូ១ មានបង់កាតតូចធំចំនួន១១ផ្ទាំង បាននាំគ្នាប្រមូលផ្តុំទាមទារតវ៉ាសុំឱ្យក្រុមហ៊ុនទូទាត់ប្រាក់បំណាច់កិច្ចសន្យាការងារមាន ១-ប្រាក់បំណាច់បណ្តេញចេញ តាមមាត្រា៨៩នៃច្បាប់ស្តីពីការងារ ។ ២-ប្រាក់បំណាច់ទូរទាត់ជួសការជូនដំណឹងមុនតាមមាត្រា៧៥នៃច្បាប់ស្តីពីការងារ ។ ៣-ប្រាក់បំណាច់ទូទាត់ជួសការឈប់សំរាកប្រចាំឆ្នាំ មានប្រាក់ឈ្នួលរយៈពេល៣ឆ្នាំចុងក្រោយ ។
តាមការបង្គាប់បញ្ជារបស់ក្រុមប្រឹក្សាអាជ្ញាកណ្តាលលេខ៧៥៣ក ប/អក/វល/លកអចុះថ្ងៃទី២៣ ឧសភា ២០១៥ ចុះហត្ថលេខាដោយលោកបូ ចន្ទ័វាសនា ប្រធានក្រុមប្រឹក្សាអាជ្ញាកណ្តាល បង្គាប់អោយក្រុមហ៊ុនទូទាត់សំណងតាមការស្នើសុំ៣ចំណុចខាងលើឱ្យទៅកម្មការីនីចំនួន៨នាក់ ដែលក្រុមហ៊ុនបានបញ្ឈប់ពីការងារ តែរហូតមកដល់ម៉ោងនេះ ក្រុមហ៊ុនពុំទាន់មានដំណោះស្រាយអ្វីទេ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ