អង្គការអាដហុក ៖ ៦ខែឆ្នាំ២០១៥ បទល្មើសរំលោ.ភកើតឡើង១៣១ករណី កើនឡើង៥១ករណី
រាជធានីភ្នំពេញ ៖ យោងតាមរបាយការណ៍របស់អង្គការសិទ្ឋិមនុស្សអាដហុកបានបង្ហាញថា នៅក្នុងបា្រំមួយខែដើមឆ្នាំ២០១៥ សមាគមអាដហុកបានធ្វើការស៊ើបអង្កេត និង
រាជធានីភ្នំពេញ ៖ យោងតាមរបាយការណ៍របស់អង្គការសិទ្ឋិមនុស្សអាដហុកបានបង្ហាញថា នៅក្នុងបា្រំមួយខែដើមឆ្នាំ២០១៥ សមាគមអាដហុកបានធ្វើការស៊ើបអង្កេត និង
រាជធានីភ្នំពេញ ៖ យោងតាមរបាយការណ៍របស់អង្គការសិទ្ឋិមនុស្សអាដហុកបានបង្ហាញថា នៅក្នុងបា្រំមួយខែដើមឆ្នាំ២០១៥ សមាគមអាដហុកបានធ្វើការស៊ើបអង្កេត និងអន្តរាគមន៍បទល្មើសរំលោភសេពសន្ថវៈចំនួន១៣១ករណី ក្នុងនោះមានរំលោភក្មេងអាយុក្រោុម៥ឆា្នំ ៥ករណី ក្មេងអាយុក្រោម១០ឆ្នាំ ៣២ករណី ក្មេងក្រោម១៨ឆ្នាំ ៦៣ករណី និងអាយុ១៨ឆ្នាំ មាន៣១ករណី ។
ជាមួយគ្នានេះដែរ ក្នុងចំណោម១៣១ករណី មានរំលោភសម្លាប់ចំនួន៣ករណី រំលោភបូក៦ករណី រំលោភជនពិការ១៥ករណី ហើយបទល្មើសរំលោភខាងលើ បើប្រៀបធៀបទៅនឹងរយៈពេលដូចក្នាកាលពីឆ្នាំ២០១៤ កើនឡើង៥១ករណី ។
បើតាមអាដហុកដដែល បទល្មើសរំលោភគឺជាបទល្មើសព្រហ្មទណ្ឌ មិនអាចធ្វើការសម្រុះសម្រួលក្រៅប្រព័ន្ឋតុលាការបានទេ ប៉ុន្តែមានករណីរំលោភសេពសន្ថវៈមួយចំនួន អាជ្ញាធរមូលដ្ឋានខ្លះ បានធ្វើការសម្រុះសម្រួលរវាងជនរងគ្រោះនិងជនប្រព្រឹត្តបទល្មើស ដោយជនរងគ្រោះព្រមទទួលយកសំណងរដ្ឋប្បវេណី មិនបញ្ជូនទៅតុលាការផ្ទុយនឹងក្រមព្រហ្មទណ្ឌ ។ ប្រការនេះ ហាក់ដូចជាការលើកទឹកចិត្តឲ្យជនប្រព្រឹត្តបទល្មើស អាចទៅប្រព្រឹត្តអំពើបែបនេះទៀត ដោយមិនរាងចាល ។
ជាមួយគ្នានេះដែរ អាដហុកបានរកឃើញទៀតថា វប្បធ៌មនិទណ្ឌភាព អំពើពុករលួយនៅក្នុងប្រព័ន្ឋយុត្តិធ៌ម ក៍ជាហេតុមួយដែលធ្វើឲ្យជនរងគ្រោះមួយចំនួន ព្រមទទួលយកសំណង និងមិនបន្តប្តឹងផ្តល់ជនប្រព្រឹត្តបទល្មើស ដោយខ្លាចជនល្មើសដែលជាអ្នកមានទ្រព្យសម្បត្តិ ឬ មានអំណាច និងឥទ្ឋិពលនៅក្នុងសង្គម ឬ មានខ្នងបង្អែកជាអ្នកធំ ដែលបណ្តាលឲ្យក្រុមគ្រួសារជនរងគ្រោះខ្វះជំនឿថានឹងអាចដាក់ទណ្ឌកម្មជនល្មើសតាមផ្លូវច្បាប់បាន ។ ម្យ៉ាងទៀត មានការភ័យខ្លាចនៅពេលជនប្រព្រឹត្តចេញពីពន្ឋនាគារ អាចមានការសងសឹកទៅថ្ងៃក្រោយ ។ អាដហុកបានរកឃើញទៀតថា ករណីខ្លះទៀត ជនរងគ្រោះនិងគ្រួសារ ខ្លាចមានការខ្មាស់ញាតិជិតខាងជាដើម ដោយសារប្រពៃណីខ្មែរ កូនស្រីគឺជាក្រណាត់សមួយផ្ទំាង ប្រសិនបើគេបន្តប្តឹងផ្តល់ទៀត នឹងធ្វើឲ្យព័ត៌មានកាន់តែខ្ចរខ្ចាយថែមទៀត ។
ទាក់ទងទៅនឹងរបាយការណ៍៦ខែឆ្នាំ២០១៥ របស់អង្គការសិទ្ឋិមនុស្សអាដហុកខាងលើនេះ កោះសន្តិភាពមិនអាចរកការសុំអត្ថាធិប្បាយភ្លាមៗបាននៅឡើយទេពីមន្រ្តីជំនាញពាក់ព័ន្ឋរបស់រាជរដ្ឋាភិបាលកម្ពុជា នាព្រឹកថ្ងៃទី០៥ សីហានេះ ៕
ចែករំលែកព័តមាននេះ