រាជធានីភ្នំពេញ ៖ រថយន្តមួយគ្រឿងម៉ាកហ្ស៊ីប ពណ៌ស អត់ស្លាកលេខ ត្រូវភ្លើងឆេះហ្មត់សល់តែគ្រោងដែក បង្កឱ្យមានការភ្ញាក់ផ្អើលកាលពីវេលាម៉ោង១១យប់ ថ្ងៃទី៣០ កក្កដា តាមបណ្តោយវិថីអង្គរក្នុងទីក្រុងរណបកាំកូស៊ីធី ស្ថិតក្នុងភូមិទួលគោក សង្កាត់ទួលសង្កែ ខណ្ឌប្ញស្សីកែវ។
តាមនគរបាលបានឱ្យដឹងថា មុនពេលកើតហេតុ គេឃើញរថយន្តខាងលើបើកបរដោយបុរសមិនស្គាល់អត្តសញ្ញាណម្នាក់ ពេលបើកមកដល់ចំណុចកើតហេតុស្រាប់តែភ្លើងឆេះចេញពីម៉ាស៊ីនខាងមុខធ្វើឱ្យផ្អើលប្រជាពលរដ្ឋនាំគ្នាយកបំពង់ពន្លត់អគ្គិភ័យជួយបាញ់ពន្លត់ តែទប់មិនឈ្នះក៏បណ្តោយឱ្យរថយន្តឆេះសន្ធោសន្ធៅលើដងផ្លូវរហូតដល់ជិតអស់ទើបរថយន្តពន្លត់អគ្គិភ័យមកអន្តរាគមន៍។
ខណៈពេលរថយន្តចាប់ផ្តើមឆេះអ្នកបើកបរបានរត់ចេញទាន់ ហើយគេចខ្លួនបាត់ស្រមោល។
បច្ចុប្បន្នខ្មោចរថយន្តនេះត្រូវសមត្ថកិច្ចការិយាល័យចរាចរណ៍ជើងគោកបញ្ជូនយកទៅរក្សាទុកនៅការិយាល័យហើយ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ