ខេត្តកណ្តាល ៖ ជនសង្ស័យ៤នាក់ដែលសកម្មខាងលួច ប្លន់ នៅរាជធានីភ្នំពេញ និងតាមបណ្ដាខេត្ត ត្រូវនគរបាលនាយកដ្ឋានព្រហ្មទណ្ឌក្រសួងមហាផ្ទៃចាប់ខ្លួនជាបន្តបន្ទាប់នៅចំណុចផ្ទះជួល ភូមិតាងួន សង្កាត់កាកាប ខណ្ឌ័ពោធិសែនជ័យ រាជធានីភ្នំពេញ កាលពពីថ្ងៃទី០១ កក្តដា និងបញ្ជូនមកស្នងការដ្ឋាននគរបាលខេត្តកណ្ដាល ដើម្បីធ្វើការសាកសួរបន្ថែមលើសកម្មភាពលួចប្លន់កន្លងមក។
មន្ត្រីនគរបាលការិយាលយ័ព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកណ្តាល បានឱ្យដឹងថា ជនសង្ស័យទាំង៤នាក់ដែលត្រួវបានឃាត់ខ្លួននោះ១-ឈ្មោះ ប៉ែក ដុក ភេទប្រុស អាយុ៥២ឆ្នាំ មុខរបរមិនពិតប្រាកដ មានទីលំនៅភូមិនគររាជ ឃុំនគររាជ ស្រុកព្រះស្តេច ព្រៃវែង ២-ឈ្មោះជា សារ៉ាត់ ភេទប្រុស អាយុ២៣ឆ្នាំ មុខរបរមិនពិតប្រាកដ មានទីលំនៅភូមិផ្សារដែក ឃុំផ្សារដែក ស្រុកពញាឮ ខេត្តកណ្តាល ៣-ឈ្មោះ សៅ កុសល ភេទប្រុស អាយុ២៥ឆ្នាំ មុខរបរមិនពិតប្រាកដ មានទីលំនៅភូមិព្រៃតារាម ឃុំក្រសាំង ស្រុករមាសហែក ខេត្តស្វាយរៀង និង៤-ឈ្មោះ ខុន សុភក្ត្រ័ ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅភូមិត្រពាំងទឹក ឃុំជើងទង ស្រុកត្រាំកក់ ខេត្តតាកែវ បច្ចុប្បន្នជនទាំង៤បានជួលផ្ទះនៅភូមិ-ឃុំកើតហេតុខាងលើ ។
ប្រភពដដែលបានឱ្យដឹងទៀតថា ជនទាំង៤នាក់នេះ គឺជាមុខសញ្ញាលួច ប្លន់ និងកាច់.កម៉ូតូយ៉ាងសកម្មនៅរាជធានីភ្នំពេញ ខេត្តកណ្តាល ខេត្តកំពត និងខេត្តកំពង់ស្ពឺ ដោយមិនដែលភ្លាត់ម្តងណាឡើយ មិនតែប៉ុណ្ណោះ ក្រុមមុខសញ្ញាចោរទាំងនេះ សមត្ថកិច្ចក្រសួងមហាផ្ទៃឃាត់ខ្លួន ជាមុខសញ្ញាប្រើប្រាស់គ្រឿងញៀន ប៉ុន្តែដោយផ្អែកលើសំភារ វត្ថុតាង ជនសង្ស័យទាំង៤បានឆ្លើយសារភាពថា ខ្លួនធ្លាប់បានលួចគោយកមកពន្លះយកសាច់ចំនួន៣ដងនៅស្រុកអង្គស្នួល និងលួចកាច់.កម៉ូតូ និងប្លន់ជាច្រើនលើកនៅក្នុងមូលដ្ឋានខាងលើ៕
ចែករំលែកព័តមាននេះ