ខេត្តព្រៃវែង ៖ ប្រភពព័ត៌មានជំហានដំបូងពីអ្នកយកព័ត៌មាន«កោះសន្តិភាព»ប្រចាំខេត្តព្រៃវែងបានឱ្យដឹង ក្មេងប្រុសជាសិស្សសាលា៤នាក់បានលក់ទឹករមណីយដ្ឋានដីដុះ ស្ថិតភូមិស្វាយភ្លោះ ឃុំស្វាយភ្លោះ ស្រុកពាមជរ ខេត្តព្រៃវែង កាលពីវេលាម៉ោង៣រសៀលថ្ងៃទី៣០ មិថុនា ២០១៥ ។
ប្រភពបានឱ្យដឹងថា មុនពេលកើតហេតុក្មេងៗសិស្សសាលាមួយក្រុមមានគ្នា៦-៧នាក់បាននាំគ្នាទៅងូតទឹកលេងកម្សាន្តនៅរមណីយដ្ឋានដីដុះ ខណៈពេលកំពុងងូតទឹកនោះក្មេងប្រុសម្នាក់បានលង់ទឹក ហើយបានស្រែកហៅឱ្យគេជួយ ពេលនេះក្មេងប្រុសជាមិត្តភក្តិ៣នាក់ទៀតបានលោតទៅជួយស្រាប់តែលង់ទាំង៤នាក់តែម្តង ។
ភ្លាមៗនេះសមត្ថកិច្ចអាវុធហត្ថបានចុះទៅជួយស្រង់បាន២នាក់ ចំណែកឯ២នាក់ទៀតបានលិចបាត់មិនដឹងជាទៅណាទេ ។
ព័ត៌មានបន្ថែមនឹងផ្សាយជូននៅពេលក្រោយទៀត ។
ចែករំលែកព័តមាននេះ