ខេត្តបន្ទាយមានជ័យ ៖ កម្លាំងនគបាលក្រុងប៉ោយប៉ែតបានឃាត់ខ្លួនជនសង្ស័យ៥នាក់ចោទប្រកាន់ពីបទចែកចាយគ្រឿងញៀ.នខេទឹកកក១កូនថង់តូចកាលពីវេលាម៉ោង១ និង៣០នាទីទៀបភ្លឺឈានចូលថ្ងៃទី២៩ មិថុនា ២០១៥
ខេត្តបន្ទាយមានជ័យ ៖ កម្លាំងនគបាលក្រុងប៉ោយប៉ែតបានឃាត់ខ្លួនជនសង្ស័យ៥នាក់ចោទប្រកាន់ពីបទចែកចាយគ្រឿងញៀនខេទឹកកក១កូនថង់តូចកាលពីវេលាម៉ោង១ និង៣០នាទីទៀបភ្លឺឈានចូលថ្ងៃទី២៩ មិថុនា ២០១៥ នៅបរិវេណកាស៊ីណូផ្កាយប្រាំ ស្ថិតក្នុងភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យ៥នាក់ដែលត្រូវចាប់ខ្លួនមាន ១-ឈ្មោះឈៀង ឌីណា ហៅហ៊ុប ភេទប្រុស អាយុ២៣ឆ្នាំ ២-ឈ្មោះសែន ដាំ ហៅយ៉ាវ ភេទប្រុស អាយុ២៥ឆ្នាំ ៣-ឈ្មោះញ៉ក់ ឈុនហេង ហៅអាហើម ភេទប្រុស អាយុ២៥ឆ្នាំ ៤-ឈ្មោះអឿន អុល ហៅអាឆ្មា ភេទប្រុស អាយុ២៩ឆ្នាំ និង៥-ឈ្មោះមៀង សម្បត្តិ ហៅកណ្តុរ ភេទប្រុស អាយុ២៩ឆ្នាំ ជនទាំង៥នាក់ស្នាក់នៅក្រុងប៉ោយប៉ែត ។
លោកអ៊ុំ សុផល អធិការនគបាលក្រុងប៉ោយប៉ែតបានប្រាប់ឱ្យដឹងថា ក្រោយពេលឃាត់ខ្លួន ជនសង្ស័យទាំង៥នាក់បាននាំយកទៅសាកសួរ ហើយបានសារភាពថា ពួកគេទិញគ្រឿងញៀនពីឈ្មួញធំនៅក្រុងប៉ោយប៉ែត ដើម្បីយកទៅលក់បន្តយកកម្រៃ តែត្រូវកម្លាំងសមត្ថកិច្ចចាប់ខ្លួនបាន ព្រមទាំងវត្ថុតាងតែម្តង ៕
ចែករំលែកព័តមាននេះ