ខេត្តកំពត ៖ យុវជនម្នាក់ឈ្មោះផែង ទីម អាយុ២៦ឆ្នាំ រស់នៅភូមិដំណាក់ត្រយឹង ខុំខ្ជាយខាងត្បូង ស្រុកដងទង់ ខេត្តកំពត ត្រូវបានជនមិនស្គាល់មុខស្ទាក់ចាក់៣កាំបិតចំដើមទ្រូងកាលពីវេលាម៉ោង១០យប់ ថ្ងៃទី២៨ មិថុនា ខណៈពេលយុវជនរងគ្រោះដើរចេញពីកន្លែងពិធីមង្គលការរបស់អ្នកភូមិ
ខេត្តកំពត ៖ យុវជនម្នាក់ឈ្មោះផែង ទីម អាយុ២៦ឆ្នាំ រស់នៅភូមិដំណាក់ត្រយឹង ខុំខ្ជាយខាងត្បូង ស្រុកដងទង់ ខេត្តកំពត ត្រូវបានជនមិនស្គាល់មុខស្ទាក់ចាក់៣កាំបិតចំដើមទ្រូងកាលពីវេលាម៉ោង១០យប់ ថ្ងៃទី២៨ មិថុនា ខណៈពេលយុវជនរងគ្រោះដើរចេញពីកន្លែងពិធីមង្គលការរបស់អ្នកភូមិ ហើយបានស្លាប់បាត់បង់ជីវិតនៅតាមផ្លូវបញ្ជូនទៅមន្ទីរពេទ្យប្រទេសវៀតណាម ។
អ្នកភូមិដំណាក់ត្រយឹងម្នាក់បាននិយាយឱ្យដឹងថា នៅក្នុងពិធីមង្គលការ មានការចាក់ធុងបាស់រាំកំសាន្ត ប៉ុន្តែនៅវេលាម៉ោង៨យប់ ក្រុមភ្ញៀវខាងកូនកម្លោះមកពីឃុំដងទង់ ស្រុកដងទង់ បានប៉ះទង្គិចគ្នាជាមួយក្រុមអ្នកភូមិជាភ្ញៀវខាងកូនក្រមុំ តែដោយមានការសម្របសម្រួលពីម្ចាស់ដើមការក៏បានស្ងប់ស្ងាត់ទៅវិញ តែគេមិនបានដឹងថា ក្រុមភ្ញៀវខាងកូនកម្លោះបានទូរស័ព្ទហៅគ្នាមកបន្ថែមទៀតនោះទេ ។ លុះដល់ម៉ោង១០យប់ អ្នករាំធុងបាស់ក៏ចាកចេញទៅផ្ទះរៀងៗខ្លួន ពេលនោះជនរងគ្រោះក៏បានដើចេញពីរោងការមកយកម៉ូតូនៅកន្លែងផ្ញើរដើម្បីទៅផ្ទះដែរ ស្រាប់តែមានក្រុមមិនស្គាល់មុខ៣-៤នាក់ស្ទាក់វាយដំ និងចាក់៣កាំបិតរហូតជនរងគ្រោះដួលសន្លប់ទើបក្រុមជនដៃដល់ចែកផ្លូវគ្នាអស់ ។
លោកប៉ាង សៀក នាយនគរបាលប៉ុស្តិ៍ខ្ជាយខាងត្បូត បានប្រាប់ឱ្យដឹងថា យុវជនរងគ្រោះឈ្មោះផែង ទីម ត្រូវបានគេស្ទាក់វាយ និងចាក់៣កាំបិត រងរបួសធ្ងន់ ហើយបានស្លាប់បាត់បង់ជីវិតនៅពាក់កណ្តាលផ្លូវពេលបញ្ជូនទៅសង្គ្រោះនៅមន្ទីរពេទ្យគៀងយ៉ាង ប្រទេសវៀតណាម ។
លោកនាយប៉ុស្តិ៍បន្តទៀតថា ករណីចាក់សម្លាប់មនុស្សពេលចេញពីរោងការនេះ នគរបាលកំពុងហៅសាក្សីមកសួរលម្អិត ដើម្បីស្វែងរកចាប់ខ្លួនជនដៃដល់យកមកផ្តន្ទាទោសតាមច្បាប់ ៕
ចែករំលែកព័តមាននេះ