រាជធានីភ្នំពេញ ៖ កម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលរាជធានីភ្នំពេញ បានធ្វើការឆ្មក់ចូលសណ្ឋាគារ «បូលីណា ផាលេស» ដែលមានទីតាំងតាមបណ្តោយផ្លូវលេខ១៥៤ ក្នុងសង្កាត់ផ្សារថ្មី៣ ខណ្ឌដូនពេញ កាលពីរសៀលថ្ងៃទី២២ មិថុនា ២០១៥ ហើយឃាត់ខ្លួនស្ត្រីម្នាក់ ខណៈនាំក្មេងស្រីទៅឱ្យភ្ញៀវ ។
រាជធានីភ្នំពេញ ៖ កម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋាននគរបាលរាជធានីភ្នំពេញ បានធ្វើការឆ្មក់ចូលសណ្ឋាគារ «បូលីណា ផាលេស» ដែលមានទីតាំងតាមបណ្តោយផ្លូវលេខ១៥៤ ក្នុងសង្កាត់ផ្សារថ្មី៣ ខណ្ឌដូនពេញ កាលពីរសៀលថ្ងៃទី២២ មិថុនា ២០១៥ ហើយឃាត់ខ្លួនស្ត្រីម្នាក់ ខណៈនាំក្មេងស្រីទៅឱ្យភ្ញៀវ ។
ប្រភពបានឱ្យដឹងថា ស្ត្រីសង្ស័យដែលគេហៅថា ម៉ែយ៉ែមនោះឈ្មោះសុខ ហ៊ីម អាយុ៣៧ឆ្នាំ មានទីលំនៅផ្ទះជួលម្ដុំរង្វង់មូលផ្សារដើមថ្កូវ ក្នុងសង្កាត់ផ្សារដើមថ្កូវ ខណ្ឌចំការមន និងក្មេងស្រីម្នាក់អាយុ១៧ឆ្នាំ និងម្នាក់ទៀតអាយុ១៩ឆ្នាំ ត្រូវបានសមត្ថកិច្ចសួរនាំរួចប្រគល់ទៅឱ្យអង្គការសង្គមកិច្ចធ្វើការបណ្តុះបណ្ដាល ។
មន្ត្រីនគរបាលការិយាល័យប្រឆាំងការជួញដូរមនុស្ស និងការពារអនីតិជនបានបង្ហើបឱ្យដឹងថា មុនឈានដល់ការឃាត់ខ្លួនស្ត្រីខាងលើនេះ គឺកម្លាំងបានតាមអង្កេតអស់រយៈជាច្រើនថ្ងៃមកហើយ ទើបដល់ថ្ងៃឃាត់ខ្លួននេះ ស្ត្រីរូបនេះបាននាំក្មេងស្រីៗ២នាក់ មកឱ្យភ្ញៀវនៅសណ្ឋាគារ «បូលីណា ផាលេស» តាមបណ្ដោយផ្លូវលេខ១៥៤ ក្នុងសង្កាត់ផ្សារថ្មី៣ ខណ្ឌដូនពេញ ពេលដែលទទួលភ្ញៀវរួចរាល់ចុះមកវិញ ក៏ត្រូវបានកម្លាំងឃាត់ខ្លួនភ្លាមៗតែម្ដង ។
ចែករំលែកព័តមាននេះ