រាជធានីភ្នំពេញ ៖ អនុសាខាកាកបាទក្រហមខណ្ឌមានជ័យ កាលពីវេលាព្រឹកថ្ងៃទី២៧ ឧសភា ២០១៥ នេះ បាននាំយកអំណោយទៅចែកជូនលោកយាយចំណាស់ទុរគតម្នាក់ ដែលស្នាក់នៅផ្ទះជួលក្នុងក្រុមទី៧ ភូមិប្ញស្សី សង្កាត់ស្ទឹងមានជ័យ ខណ្ឌមានជ័យ
រាជធានីភ្នំពេញ ៖ អនុសាខាកាកបាទក្រហមខណ្ឌមានជ័យ កាលពីវេលាព្រឹកថ្ងៃទី២៧ ឧសភា ២០១៥ នេះ បាននាំយកអំណោយទៅចែកជូនលោកយាយចំណាស់ទុរគតម្នាក់ ដែលស្នាក់នៅផ្ទះជួលក្នុងក្រុមទី៧ ភូមិប្ញស្សី សង្កាត់ស្ទឹងមានជ័យ ខណ្ឌមានជ័យ ក្រោមការដឹកនាំដោយលោកឌី រ័ត្នខេមរុណ អភិបាលរងនៃគណៈអភិបាលខណ្ឌមានជ័យ និងជាប្រធានសាខាកាកបាតក្រហមខណ្ឌមានជ័យ និងមានការចូលរួមពីចៅសង្កាត់ រួមទាំងមន្ត្រីមូលដ្ឋានជាច្រើនរូបទៀត ។
អំណោយដែលត្រូវចែកជូនមានអង្ករ១បាវ ស្មើរនឹង២៥គីឡូក្រាម, ថវិកា៣២ម៉ឺនរៀលជារបស់កាកបាទក្រហម និងក្រុមការងារមូលដ្ឋាន រួមទាំងឧបករណ៍ សម្ភារប្រើប្រាស់ និងគ្រឿងឧបភោគ បិរភោគមួយចំនួនធំផងដែរ ។
លោកយាយជរាខាងលើឈ្មោះឃិត ដួងតារា អាយុ៦១ឆ្នាំ មានស្រុកកំណើតនៅស្រុកកោះធំ ខេត្តកណ្តាល ។ លោកយាយបានរៀបរាប់ពីការលំបាករបស់ខ្លួនឱ្យដឹងថា លោកយាយរស់នៅតែម្នាក់ឯងអស់រយៈពេលជាង២០ឆ្នាំមកហើយ ដោយប្តីរបស់គាត់បានលែងលះគ្នា ហើយគាត់មានកូន២នាក់ ហើយបានបែកជាមួយគ្នាផងដែរ ។ លោកយាយបន្តថា គាត់ប្រកបមុខរបរជាអ្នកសំអាត អនាម័យទទួលប្រាក់ ក្នុងខែចំនួន៨០ដុល្លារ ដើម្បីចិញ្ចឹមជីវិត ។
ចែករំលែកព័តមាននេះ