ខេត្តបន្ទាយមានជ័យ៖ បុរសចំណាស់ម្នាក់ត្រូវបាននគរបាលប៉ុស្តិ៍រដ្ឋបាលសង្កាត់ប៉ោយប៉ែត ចាប់ឃាត់ខ្លួនពីបទបៀតបៀនកេរ្តិ៍ខ្មាសលើក្មេងស្រីវ័យ៣ឆ្នាំម្នាក់ នៅក្នុងបរិវេណបុរីមួយកន្លែង ស្ថិតនៅក្នុងភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត
ខេត្តបន្ទាយមានជ័យ៖ បុរសចំណាស់ម្នាក់ត្រូវបាននគរបាលប៉ុស្តិ៍រដ្ឋបាលសង្កាត់ប៉ោយប៉ែត ចាប់ឃាត់ខ្លួនពីបទបៀតបៀនកេរ្តិ៍ខ្មាសលើក្មេងស្រីវ័យ៣ឆ្នាំម្នាក់ នៅក្នុងបរិវេណបុរីមួយកន្លែង ស្ថិតនៅក្នុងភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត កាលពីវេលាម៉ោងជិត៥ល្ងាចថ្ងៃទី២៣ ឧសភា ។
បុរសឈ្មោះ មៀន មឿន អាយុ៤៦ឆ្នាំ មុខរបរមិនពិតប្រាកដ មកពីស្រុកមង្គលបុរី ប្រុងធ្វើជាកម្មករសំណង់នៅកន្លែងកើតហេតុ ។ ចំណែកក្មេងស្រីរងគ្រោះអាយុ៣ឆ្នាំ ស្នាក់នៅជាមួយជីដូននិងជីតា ដែលជីតារបស់នាងជាអ្នកម៉ៅការសំណង់នៅទីនោះ ។
ស្ត្រីឈ្មោះ ស៊ិន សុខុម អាយុ៤៣ឆ្នាំ ជាជីដូនរបស់ក្មេងស្រីនិយាយថា គាត់ឮចៅស្រីស្រែកហៅតាៗៗ ក៏ស្រែកយំយ៉ាងខ្លាំង ។ ដំបូងគាត់ស្មានតែចៅស្រីផុងរនាបជាប់ជើងក៏ប្រញាប់ទៅមើល ស្រាប់តែឃើញបុរសចំណាស់ស្រាតខោ និងយកដៃបៀតបៀនកេរ្តិ៍ខ្មាសចៅស្រីរបស់គាត់ ទើបនាំគ្នាចាប់បុរសចំណាស់នេះប្រគល់ឲ្យនគរបាលតែម្ដង ។
បុរសជាប់ចោទនៅពេលដែលបញ្ជូនដល់ប៉ុស្តិ៍នគរបាលរដ្ឋបាលបានបដិសេធន៍ចំពោះការចោទប្រកាន់ខាងលើដោយនិយាយថា ខ្លួនមិនបានប្រព្រឹត្តទេ គ្រាន់តែបាននៅផឹកស៊ីក្នុងបន្ទប់កើតហេតុជាមួយក្មេងស្រីនោះមែន ។ បុរសរូបនេះស្រវឹងស្រានិយាយលែងដឹងខុសត្រូវទៅហើយ ៕
ចែករំលែកព័តមាននេះ