ខេត្តកំពង់ឆ្នាំង ៖ ជនសង្ស័យជនជាតិវៀតណាម២នាក់ ត្រូវកម្លាំងសមត្ថកិច្ចនគរបាលព្រហ្មទណ្ឌកម្រិតស្រាលរបស់ស្នងការដ្ឋាននគរបាលខេត្ត កសាងសំណុំបញ្ជូនទៅសាលាដំបូងខេត្ត កាលពីវេលាព្រឹកថ្ងៃទី០៥ ឧសភា ២០១៥ នេះ ដោយចោទប្រកាន់ពីបទ
ខេត្តកំពង់ឆ្នាំង ៖ ជនសង្ស័យជនជាតិវៀតណាម២នាក់ ត្រូវកម្លាំងសមត្ថកិច្ចនគរបាលព្រហ្មទណ្ឌកម្រិតស្រាលរបស់ស្នងការដ្ឋាននគរបាលខេត្ត កសាងសំណុំបញ្ជូនទៅសាលាដំបូងខេត្ត កាលពីវេលាព្រឹកថ្ងៃទី០៥ ឧសភា ២០១៥ នេះ ដោយចោទប្រកាន់ពីបទលួចម៉ាស៊ីនកាណូតជនជាតិវៀតណាមដូចគ្នា កាលពីវេលាម៉ោង០២ និង២០នាទីរំលងអធ្រាត្រថ្ងៃទី០៤ ឧសភា ២០១៥ នៅចំណុចភូមិឆ្នុកទ្រូ ឃុំឆ្នុកទ្រូ ស្រុកបរិបូរណ៍ ។
ប្រភពបានឱ្យដឹងថា ជនសង្ស័យទាំង២នាក់មា្នក់ឈ្មោះង្វៀង យ៉ាំងយូ អាយុ១៧ឆ្នាំ និងម្នាក់ទៀតឈ្មោះង្វៀង យ៉ាំងលិន អាយុ១៧ឆ្នាំ ទាំង២នាក់ស្នាក់នៅភូមិ-ឃុំកើតហេតុខាងលើ ។
ប្រភពបន្តថា នៅមុនពេលកើតហេតុ ផ្ទះស្ត្រីឈ្មោះង្វៀង ធីធឿន មានរៀបចំពិធីបុណ្យ ពេលនោះមានភ្ញៀវដែលមកចូលរួមបានបើកកាណូតមកចតត្រៀបត្រានៅផ្ទះបណ្តែតទឹក ដែលមានកម្មវិធីបុណ្យនោះ ។ លុះវេលារំលងអធ្រាត្រ ស្រាប់តែជនសង្ស័យទាំង២នាក់ខាងលើ ដែលស្នាក់នៅក្បែរផ្ទះធ្វើបុណ្យនោះ នាំគ្នាលួចម៉ាស៊ីនកាណូតមួយគ្រឿងរបស់ឈ្មោះង្វៀង យ៉ាំងផាក អាយុ៤៨ឆ្នាំ យកទៅលាក់ទុក ប៉ុន្តែនៅព្រឹកឡើង ក្រោយពីបានដឹងថា បាត់ម៉ាស៊ីនកាណូត ត្រូវម្ចាស់ទៅប្តឹងសមត្ថកិច្ចនគរបាលមូលដ្ឋាន ហើយក៏ធ្វើការស្រាវជ្រាវ ទើបឈានដល់ការចាប់ខ្លួនជនសង្ស័យទាំង២នាក់ រួមទាំងវត្ថុតាងមានម៉ាស៊ីនកាណូត (៨សេសកន្លះ) មួយគ្រឿង ។
ប្រភពបន្តទៀតថា ក្រោយពីចាប់បានជនសង្ស័យទាំង២នាក់នេះហើយ សមត្ថកិច្ចមូលដ្ឋានបានបញ្ជូនមកស្នងការដ្ឋាន ហើយនៅព្រឹកថ្ងៃទី០៥ ឧសភា នេះ មន្ត្រីជំនាញរបស់លោកបានកសាងសំណុំបញ្ជូនជនសង្ស័យទាំង២នាក់ទៅកាន់តុលាការ ដើម្បីចាត់ការតាមច្បាប់ ។
ចែករំលែកព័តមាននេះ