ខេត្តកំពង់ចាម ៖ លំនៅឋានប្រជាពលរដ្ឋចំនួន២ខ្នង ត្រូវបានដួលរលំរាបដល់ដី និង៣៤ខ្នងទៀត បានរបើកដំបូល ដោយសារតែខ្យល់កន្ត្រាក់បោកបក់ជាខ្លាំងលើភូមិឈើទើ ឃុំខ្ពបតាងួន ស្រុកស្ទឹងត្រង់ ដែលហេតុការណ៍នេះកើតឡើងកាលពីវេលាម៉ោង០៦ ល្ងាចថ្ងៃទី០១ ឧសភា ២០១៥ តែមិនមានសេចក្តីរាយការណ៍ថា មានមនុស្សស្លាប់ ឬរងគ្រោះថ្នាក់នោះទេ ។
លោកឧត្តមសេនីយ៍ត្រី បែន រ័ត្ន ស្នងការនគរបាលខេត្តមានប្រសាសន៍ឱ្យដឹងថា ចំពោះលំនៅឋានដែលបានសាងសង់អំពីឈើ ត្រូវបានរលំរាបដល់ដីទាំងស្រុងចំនួន២ខ្នង នោះដែលមានផ្ទះ ១-ឈ្មោះជឿន ជេស ភេទប្រុស អាយុ៤១ឆ្នាំ មានទំហំ៥ គុណ៧ម៉ែត្រ ប្រក់សង្កសី ២-ឈ្មោះវ៉ាន់ វុន ភេទប្រុស អាយុ៦៥ឆ្នាំ ក្រៅពីនេះចំនួន៣៤ខ្នងទៀត ត្រូវបានរបើកដំបូងបាក់សំយាបមុខផ្ទះជាដើម ។
លោកឧត្តមសេនីយ៍ត្រី បែន រ័ត្ន ស្នងការនគរបាលខេត្តបានមានប្រសាសន៍បន្តថា ផ្ទះដែលរលំ និងរបើកដំបូលទាំងអស់សុទ្ធជាប្រភេទផ្ទះឈើ មានខ្លះប្រក់ស្បូវ ប្រក់ស័ង្កសី និងក្បឿងរហូតមកដល់ព្រឹកថ្ងៃទី២ ឧសភា នេះ មិនមានសេចក្តីរាយការណ៍មកថា មានប្រជាពលរដ្ឋណាម្នាក់រងរបួសនោះទេ តែរូបលោកបានចាត់ឱ្យលោកអធិការនគរបាលស្រុកស្ទឹងត្រង់ ដឹកនាំកម្លាំងចុះជួយជួសជុលផ្ទះរបស់ប្រជាពលរដ្ឋយើងហើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ