ខេត្តប៉ៃលិន ៖ សមត្ថកិច្ចកាំកុងត្រួលសាខាខេត្តប៉ៃលិន ដឹកនាំដោយលោក សាន វិជ្ជាសារ៉ាវុធ សហការជាមួយមន្ទីរពាណិ ជ្ជកម្ម កាលពីវេលាម៉ោង៩ និង៣០នាទីព្រឹក ថ្ងៃទី៣១ ខែមីនា ឆ្នាំ២០១៥ នេះ បានចុះត្រួតពិនិត្យទំនិញខូចគុណភាព និងហួសកាលបរិច្ឆេទ ស្ថិតនៅផ្សារសាមគ្គី ហៅប៉ាហ៊ី ក្នុងភូមិប៉ាហ៊ីជើង ភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិ ន ។
លោក សាន វិជ្ជាសារ៉ាវុធ ប្រធានកាំកុងត្រូលសាខាខេត្តប៉ៃលិនបានឱ្យដឹងថា ការចុះឆែកឆេរ និងត្រួតពិនិត្យគ្រឿងឧបភោគបរិភោគហួសកាលបរិច្ឆេទនេះខាងមន្ត្រីជំនាញបានរកឃើញទំនិញនៅតាមស្តង់លក់ដូរ ចែកចាយតូចធំមួយចំនួន ដែលហួសកាលបរិច្ឆេទ ដូចជាទឹកក្រូចដបតូចចំនួន៩ដប ទឹកក្រូចចំណុះ១លីត្រកន្លះចំនួន៧ដប មីចំនួន៩កញ្ចប់ ដំណាប់ក្រូចចំនួន៧កែវ ដំឡូងបារាំងចំនួន១៤កញ្ចប់ អាហារបំប៉នក្មេង (បបររុងរឿង) ចំនួន១០ប្រអប់ ទឹកដោះគោកូនក្មេងចំនួន១២ដបតូច នំស្រួយក្មេងចំនួន១៧៤កញ្ចប់តូច និងម្សៅស៊ុបរ៉ូឌី ចំនួ២កញ្ចប់ធំផងដែរ ។ លោកបានបន្តទៀតថា ខាងមន្ត្រីជំនាញបានទទួលបញ្ជារពីថ្នាក់លើ ត្រូវតែពង្រឹងការចុះត្រួតពិនិត្យឱ្យបានញឹកញា ប់ ដើម្បីរកឱ្យឃើញទំនិញដែលហួសកាលបរិច្ឆេទនៅក្នុងផ្សារ និងតាមតូបនានាជុំវិញផ្សារហើយប្រមូលយកទៅដុតកម្ទេចចោលតែម្តង ។
ចំណែកឯម្ចាស់ស្តង់នីមួយៗ ខាងលោកបានឱ្យផ្តិតមេដៃធ្វើកិច្ចសន្យាឈប់លក់របស់ហួសកាលបរិច្ឆេទបែបនេះបន្តទៀត ។ លោកបានបញ្ជាក់ទៀតថា ការចុះធ្វើការឆេកឆេរ និងដកហូតទិញហួសកាលបរិច្ឆេទនេះ បានធ្វើនៅដើមខែមីនា ឆ្នាំ២០១៥នេះ ចំនួន៤លើកមកហើយ ដោយក្នុង១លើកៗ រកឃើញរបស់របរ ដែលហួសកាលបរិច្ឆេទនៅតាមស្តង់ជាច្រើនផងដែរ ។
ម្យ៉ាងវិញទៀត ខាងលោកនឹងធ្វើពិធីដុតកំម្ទេចរបស់ទាំងនោះចោលជាទ្រង់ទ្រាយធំ ក្រោយពីរដូវបុណ្យចូលឆ្នាំខ្មែររួចរាល់ ហើយខាងលោក៏សូមពំពាវនាវដល់បងប្អូនប្រជា ពលរដ្ឋរស់នៅតាមភូមិឃុំ តំបន់ដាច់ស្រយាលសង្កាត់មាត់ញក មុននឹងទិញនំ ឬគ្រឿងបរិ ភោគផ្សេងៗយកទៅដាក់ឱ្យកូនចៅ ឬក្រុមគ្រួសារទទួលទានត្រូវតែពិនិត្យមើលកាលបរិច្ឆេ ទឱ្យបានត្រឹមត្រូវមុននឹងទិញ ហើយបើឃើញហួសថ្ងៃកំណត់ត្រូវយកទៅប្រគល់ជូនម្ចាស់គេវិញ ។ បើសិនជាពួកគាត់យករបស់ទាំងនោះទៅទទួលទាននៅថ្ងៃណាមួយនឹងប៉ះពាល់ ដល់សុខភាព ព្រមទាំងអាយុជីវិតផងដែរ ។ ចំណែកម្ចាស់តូបដែលខាងលោកបានត្រួតពិនិ ត្យរួចនៅតែបន្តលក់របស់ហួសកាលបរិច្ឆេទទៀតខាងលោកនឹងចាត់ការតាមផ្លូវច្បាប់ ៕
ចែករំលែកព័តមាននេះ