ខេត្តកណ្តាល ៖ បុរសអ្នកឡើងត្នោតម្នាក់បានភ្លាត់ស្នៀតដាច់បង្អោប បណ្តាលឱ្យធ្លាក់ពីលើចុងត្នោតកម្ពស់ប្រហែល១៣ម៉ែត្រស្លាប់ភ្លាមៗ បង្កឱ្យភ្ញាក់ផ្អើលកាលពីវេលាម៉ោង០៤ និង៣០នាទីរសៀលថ្ងៃទី៣០ មីនា ២០១៥ ស្ថិតនៅត្រង់ចំណុចវាលស្រែខាងក្រោយផ្ទះ ក្នុងភភូមិរទាំង ឃុំភូមិធំ ស្រុកកៀនស្វាយ ខេត្តកណ្តាល ។
ប្រភពបានឱ្យដឹងថា បុរសរងគ្រោះឈ្មោះអឿន ចេស អាយុ៥០ឆ្នាំ ជាអ្នកឡើងត្នោតយកទឹកលក់ មានប្រពន្ធឈ្មោះយួង ចិន្តា អាយុ៤០ឆ្នាំ មានស្រុកកំណើតនៅភូមិតាំងបឹង ឃុំផ្អាវ ស្រុកជើងព្រៃ ខេត្តកំពង់ចាម បច្ចុប្បន្នស្នាក់នៅក្នុងភូមិកើតហេតុខាងលើ ។
ប្រភពបន្តថា មុនពេលកើតហេតុ គេឃើញជនរងគ្រោះរែកបំពង់ត្នោត២យួរដើរសំដៅមកឡើងដើមឆ្នោតនោះដូចសព្វដង ស្រាប់តែមួយសន្ទុះគេមិនបានចាប់អារម្មណ៍ទេ ដោយបាំងព្រៃបន្តិច ហើយនិងមានឮសំឡេង ក៏នាំគ្នារត់ទៅមើលទើបដឹងថា ជនរងគ្រោះបានធ្លាក់ពីចុងត្នោតស្លាប់បាត់ទៅហើយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ