ខេត្តរតនគិរី ៖ យុវជនល្មោភតណ្ហាម្នាក់ សូម្បីតែនារីដែលជាជនពិការដៃម្ខាង(ខ្វិន)ក៏មិនលើកលែង ឆ្លៀតឱកាសពេលឪពុកម្តាយនាងមិននៅផ្ទះ លបឡើងចាប់បង្ខំរំលោ.ភបានសម្រេច
ខេត្តរតនគិរី ៖ យុវជនល្មោភតណ្ហាម្នាក់ សូម្បីតែនារីដែលជាជនពិការដៃម្ខាង(ខ្វិន)ក៏មិនលើកលែង ឆ្លៀតឱកាសពេលឪពុកម្តាយនាងមិននៅផ្ទះ លបឡើងចាប់បង្ខំរំលោភបានសម្រេច ហើយត្រូវសមត្ថកិច្ចនគរបាលប៉ុស្តិ៍ធ្វើការឃាត់ខ្លួនបានភ្លាមៗ កាលពីវេលាម៉ោង១០យប់ថ្ងៃទី២៤ មីនា ២០១៥ ស្ថិតភូមិប៉ាតាង ឃុំប៉ាតាង ស្រុកលំផាត់ ខេត្តរតនគិរី ។
បើតាមការឱ្យដឹងពីលោកសូ ថាយ អធិការនគរបាលស្រុលកំផាត់ថា លោកបានទទួលពាក្យបណ្តឹងពីក្រុមគ្រួសារជនរងគ្រោះ (ដែលជាឪពុកម្តាយ) មានគេចាប់រំលោភកូនស្រីរបស់ខ្លួននៅលើខ្ទមចម្ការត្រង់ចំណុចអូរកាន ស្ថិតនៅភូមិប៉ាតាង ឃុះប៉ាតាង ហើយលោកក៏បានចាត់កម្លាំងចុះទៅដល់កន្លែងកើតហេតុ និងឃាត់ខ្លួនជនសង្ស័យបានភ្លាមៗ ។
លោកបន្តថា ជនសង្ស័យដែលឃាត់ខ្លួនឈ្មោះសល្យ សឹង ភេទប្រុស អាយុ២៦ឆ្នាំ ជនជាតិខ្មែរ ជាកម្មករចៀរជ័រកៅស៊ូ មានទីលំនៅភូមិ-ឃុំកើតហេតុខាងលើ ។ រីឯនារីរងគ្រោះអាយុ២០ឆ្នាំ ជនជាតិទំពួន ជាអ្នកធ្វើចម្ការ រស់នៅភូមិ-កើតហេតុខាងលើ ។
នៅចំពោះមុខសមត្ថកិច្ចជនសង្ស័យពុំព្រមសារភាពថា ខ្លួនបានចាប់រំលោភទៅលើនារីរងគ្រោះនោះឡើយ ប៉ុន្តែបើតាមសម្តីរបស់នារីរងគ្រោះបានប្រាប់ទៅឪពុកម្តាយនាងថា យុវជនខាងលើបានចាប់បង្ខំនិងរំលោភទៅលើនាងបានសម្រេចចំនួន២ដង។ ក្រោយពេលកើតហេតុ លោកអធិការបានបំពេញសំណុំបែបបទ បញ្ជូនជនសង្ស័យមកកាន់ស្នងការដ្ឋាននគរបាលខេត្តរតនគិរីនៅព្រឹកថ្ងៃទី២៦ មីនា ២០១៥នេះ ៕
ចែករំលែកព័តមាននេះ