រាជធានីភ្នំពេញ ៖ កម្មករ-កម្មការិនីរោងចក្រកាត់ដេរ «មេនហាតថេន» នៅខេត្តកំពង់ចាមប្រមាណជា១០០នាក់ ដែលដឹកនាំលោក
រាជធានីភ្នំពេញ ៖ កម្មករ-កម្មការិនីរោងចក្រកាត់ដេរ «មេនហាតថេន» នៅខេត្តកំពង់ចាមប្រមាណជា១០០នាក់ ដែលដឹកនាំលោក
រ៉ុង ឈុន បានមកប្រមូលផ្តុំគ្នានៅខាងមុខស្ថានទូតអាមេរិក កាលពីវេលាម៉ោង០៩ និង១០នាទីព្រឹកថ្ងៃទី៣០ មករា ២០១៥ នេះ ស្ថិតនៅកំណាត់ផ្លូវលេខ៩៦ ក្នុងសង្កាត់វត្តភ្នំ ខណ្ឌដូនពេញ ដើម្បីដាក់ញត្តិសុំកិច្ចអន្តរាគមន៍ឱ្យរោងចក្រគោរពសេចក្តីបង្គាប់របស់ក្រុមប្រឹក្សាអាជ្ញាកណ្តាល និងឱ្យទម្លាក់បទចោទប្រកាន់ ។
ក្នុងញត្តិរបស់កម្មកររោងចក្រមេនហាតធេន ដាក់ជូនឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជាបានឱ្យដឹងថា បន្ទាប់ពីការទាមទារប្រាក់ឈ្នួលអប្បបរមាចំនួន១៦០ដុល្លារក្នុងមួយខែ របស់កម្មករដែលកាលនោះ បានចាប់ផ្តើមពីថ្ងៃទី២៤ ធ្នូ ២០១៣ រហូតដល់ថ្ងៃទី
០៣-០៦ មករា ២០១៤ ក្រុមហ៊ុនមេនហាតធេន ស្ថិតក្នុងស្រុកកំពង់សៀម ខេត្តកំពង់ចាម បានបញ្ឈប់កម្មករ-កម្មការិនីចំនួន១០៧នាក់ ពីការងារដោយសារមូលហេតុចូលរួមបាតុកម្មទាមទារប្រាក់ខែ ។
ហើយកម្មករទាំងអស់ ត្រូវបានដោះស្រាយ ប៉ុន្តែនៅសល់តំណាងសហជីព៣នាក់មិនទាន់ដោះស្រាយ ។ រាល់សេចក្តីសម្រេច និងបង្គាប់របស់ក្រុមប្រឹក្សាអាជ្ញាកណ្តាល (AC) និយោជកមិនបានគោរព និងអនុវត្តតាមសេចក្តី និងបង្គាប់របស់ក្រុមប្រឹក្សាអាជ្ញាកណ្តាលឡើយ ។
នៅថ្ងៃទី២២ ធ្នូ ២០១៤ កម្មកររោងចក្រមេនហាតធេន បានចាប់ផ្តើមប្រមូលផ្តុំធ្វើបាតុកម្ម ដើម្បីទាមទារឱ្យថ្នាក់ដឹកនាំសហជីពរបស់ពួកគេ បានចូលធ្វើការវិញ ។ បាតុកម្មនេះ បានចំណាយអស់រយៈពេលជាងមួយខែមកហើយ នៅពុំមានដំណោះស្រាយទៀត ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ