ខេត្តស្វាយរៀង ៖ ស្ត្រីម្នាក់រងរបួសធ្ងន់ធ្ងរ ហើយបានស្លា.ប់បាត់បង់ជីវិតពេលដឹកមកដល់មន្ទីរពេទ្យខេត្ត កាលពីវេលាម៉ោង១០ និង៣០នាទីយប់ ថ្ងៃទី២៥ ខែមករា ឆ្នាំ២០១៥ ដែលអ្នកខ្លះសង្សយ័ថា ជាអំពើឃាតក.ម្ម រីឯសមត្ថកិច្ចសង្សយ័ថាជាគ្រោះថ្នាក់ចរាចរណ៍ ។
ខេត្តស្វាយរៀង ៖ ស្ត្រីម្នាក់រងរបួសធ្ងន់ធ្ងរ ហើយបានស្លាប់បាត់បង់ជីវិតពេលដឹកមកដល់មន្ទីរពេទ្យខេត្ត កាលពីវេលាម៉ោង១០ និង៣០នាទីយប់ ថ្ងៃទី២៥ ខែមករា ឆ្នាំ២០១៥ ដែលអ្នកខ្លះសង្សយ័ថា ជាអំពើឃាតកម្ម រីឯសមត្ថកិច្ចសង្សយ័ថាជាគ្រោះថ្នាក់ចរាចរណ៍ ។
ទាក់ទិនករណីខាងលើ នគបាលស្រុកស្វាយជ្រំបានឲ្យដឹងថា មុនពេលកើតហេតុ គេឃើញស្ត្រីរងគ្រោះអាយុប្រមាណជា២៨-៣០ឆ្នាំដើរតាមផ្លូវជាតិលេខ១ ទំនងជាមនុស្សវិកលចរិត មិនដឹងជាមកពីណាឡើយ ។ រហូតដល់ម៉ោងប្រមាណជា១០ និង៣០នាទីយប់ ក៏ដេកនៅលើចឹញ្ចើមថ្នល់ផ្លូវជាតិលេខ១ត្រង់ចំណុចកើតហេតុ ហើយទំនងជាអ្នកបើកម៉ូតូតាមដងផ្លូវមើលមិនឃើញ ក៏បុករួចកិនបណ្តាលឲ្យរងរបួសធ្ងន់ធ្ងរ គឺបែកដើមទ្រូងខ្ទេចគ្រឿងក្នុង ហើយបានស្លាប់បាត់បង់ជីវិតពេលដឹកមកដល់មន្ទីរពេទ្យខេត្ត ។
ក្រុមគ្រូពេទ្យយកសពជនរងគ្រោះទៅដាក់ក្នុងសាល ដើម្បីរកក្រុមគ្រួសារយកទៅធ្វើបុណ្យតាមប្រពៃណី ក៏ប៉ុន្តែរហូតមកដល់ថ្ងៃទី២៦ខែមករា ឆ្នាំ២០១៥ វេលាម៉ោង១២ថ្ងៃត្រង់នេះ នៅមិនទាន់ស្គាល់អត្តសញ្ញាណ និងក្រុមគ្រួសារស្ត្រីរងគ្រោះឡើយ ។ ដូច្នេះបើបងប្អូនណាមានបាត់សមាជិកគ្រួសារ ឬមានសមាជិកណាវិកលចរិតបាត់ពីផ្ទះ សូមទាក់ទងមន្ត្រីរដ្ឋបាលមន្ទីរពេទ្យខេត្តស្វាយរៀង ៕
ចែករំលែកព័តមាននេះ