ខេត្តឧត្តរមានជ័យ ៖ ស្ត្រីចាស់ក្មេងចំនួនបួននាក់ត្រូវបានសមត្ថកិច្ចកងរាជអាវុធហត្ថស្រុកត្រពាំងប្រាសាទធ្វើការឃាត់ខ្លួនដោយជាប់ពាក់ពន្ធ័និងករណីជួញដូរនិងចែកចាយគ្រឿងញៀន។ ការឃាត់ខ្លួនស្ត្រីទាំងបួននាក់នេះធ្វើឡើងកាលពីល្ងាចថ្ងៃទី១៦ ខែធ្នូ ២០១៤ ស្ថិតក្នុងភូមិសែនសុខ ឃុំទំនប់ដាច់ ស្រុកត្រពាំងប្រាសាទ។
លោកវរៈសេនីយ៍ត្រីលី ដារឹទ្ធ មេបញ្ជាការកងរាជអាវុធហត្ថស្រុកត្រពាំងប្រាសាទបាននិយាយឱ្យដឹងថាមុនមុននិងឈានទៅដល់ការបង្ក្រាបករណីជួញដូរ ចែកចាយគ្រឿងញៀនជាទ្រង់ទ្រាយធំនិងឃាត់ខ្លួនមនុស្សទាំងបួននាក់នេះគឺយើងបានចំណាយពេលវេលារហូត២ខែ។
លោកមេបញ្ជាការបានឱ្យដឹងទៀតថាថ្នាំញៀនទាំងនេះគឺពូកគេទើបតែយកចូលប្រហែលមួយអាទិត្យប៉ុណ្ណោះ ដោយទទួលបានព័ត៌មាននេះលោក ក៏ដាក់កម្លាំងសំងាត់ចាំឃ្លាំមើលគ្រប់សកម្មភាព លុះបណ្តាញសំងាត់រាយការណ៍មកថាពូកគេកំពុងធ្វើសកម្មភាពចែកចាយលោកក៏សុំយោបល់លោកមេបញ្ជាការកងរាជអាវុធហត្ថខេត្តលោក ឧត្តមសេនីយ៍ត្រី ពុទ្ធ សារ៉ាន់ ហើយក៏សុំយោបល់លោក កូយ កាន់យ៉ា ព្រះរាជអជ្ញាអមសាលាដំបូងខេត្តដោយធ្វើការសហការជាមួយការរិយាលយ័គ្រឿងញៀន នៃកងរាជអាវុធហត្ថខេត្តរួមជាមួយអជ្ញាធរដែនដីក៏បានចុះទៅដល់ទីលំនៅជនសង្ស័យហើយក៏បានធ្វើការឃាត់ខ្លួននិងឆែកឆេលំនៅដ្ឋានចំនួន២កន្លែងដោយរកឃើញមានថ្នាំញៀនប្រភេទម៉ាទឹកកកចំនួន១២៥កញ្ចប់តូធំ ដាវសាំរ៉ៃ២ ពូថៅ១ កាំភ្លើងកែឆ្នៃ១ដើម គ្រាប់បែកដៃ១គ្រាប់ និងឧបករណ៍ជក់ថ្នាំមួយចំនួនទៀតហើយក៏បានយកមករក្សាទុកទីបញ្ជាការអាវុធហត្ថស្រុក ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ