ខេត្តព្រះវិហារ ៖ កំលាំងកងរាជអាវុធហត្ថខេត្តព្រះវិហារដឹកនាំកំលាំងដោយលោកវរសេនីយ៍ត្រី ជូ ប៊ុនសុង នាយរងសេនាធិការចុះប្រតិបត្តិការបង្ក្រាប ក្រុមចែកចាយគ្រឿងញៀ.ន កាលពីវេលាម៉ោង៧ និង៥៣នាទីយប់
ខេត្តព្រះវិហារ ៖ កំលាំងកងរាជអាវុធហត្ថខេត្តព្រះវិហារដឹកនាំកំលាំងដោយលោកវរសេនីយ៍ត្រី ជូ ប៊ុនសុង នាយរងសេនាធិការចុះប្រតិបត្តិការបង្ក្រាប ក្រុមចែកចាយគ្រឿងញៀន កាលពីវេលាម៉ោង៧ និង៥៣នាទីយប់ ថ្ងៃទី១១ ខែធ្នូ ឆ្នាំ២០១៤ នៅចំនុចស្ថានីយ៍ប្រេងឥន្ធះ LHR ស្ថិតក្នុងភូមិស្ថាពរ សង្កាត់ប៉ាលហាល ខេត្តព្រះវិហារ ។
លោកវរសេនីយ៍ត្រី ជូ ប៊ុនសុង បានឲ្យដឹងថា ដោយសារមានការតាមដានពីភ្នាក់ងារយ៉ាងយកចិត្តទុកដាក់ ក៏ដូចជាការចង្អុលបង្ហាញពីឯកឧត្តមឧត្តមសេនីយ៏ត្រី កង សៅគុន មេបញ្ជាការកងរាជអាវុធហត្ថខេត្តព្រះវិហារ បានដាក់បទបញ្ជាឲ្យលោកដឹកនាំកំលាំង កងរាជអាវុធហត្ថខេត្ត ចំនួន៩នាក់ រថយន្ដ២គ្រឿង ចុះបង្រាប ករណីខាងលើ លទ្ធផលដែលទទួលបាន គឺឃាត់ខ្លួនបានជនសង្ស័យចំនួន៣នាក់ ទី១ ឈ្មោះឈុន ណារិទ្ធ ភេទប្រុស មានទីលំនៅភូមិស្រអែមលិច ឃុំកន្ទួត ស្រុកជាំក្សាន ខេត្តព្រះវិហារ ទី២ ឈ្មោះជាប់ ដឿន ភេទស្រី អាយុ១៨ឆ្នាំ រស់នៅផ្ទះជួល ភូមិសំរោង សង្កាត់កំពង់ប្រណាក ក្រុងព្រះវិហារ និងទី៣ឈ្មោះ អែល សូត រស់នៅភូមិឡឥដ្ឋ សង្កាត់កំពង់ប្រណាក ក្រុងព្រះវិហារ រួមទាំងវត្ថុតាងរួមមានរថយន្ដកាមេរី ឆ្នាំ៩៥ ពណ៌ស្លែ មួយគ្រឿង ពាក់ស្លាកលេខ ភ្នំពេញ 2H 0103 និងម៉ូតូសេ១២៥មួយគ្រឿង ពណ៍ខ្មៅ ពាក់ស្លាកលេខ ព្រះវិហារ 1A 0754 ព្រមទាំងគ្រឿងញៀន ថ្នាំយ៉ាម៉ាចំនួន៦គ្រាប់ ម៉ាទឹកកកមួយថង់តូច គ្រាប់កាំភ្លើង R16 ចំនួន៧គ្រាប់ ទូរសព្ទ័៣គ្រឿង លុយខ្មែរ ២,៩០៤,១០០ រៀល ព្រមទាំងសម្ភារៈសេពគ្រឿងញៀនមួយចំនួនទៀត បច្ចុប្បន្នជនសង្ស័យ និងវត្ថុតាងត្រូវបានបញ្ជូនទៅសាលាដំបូងខេត្តដើម្បីចាត់ការទៅតាមនិតិវិធី ។
ឯកឧត្តមឧត្តសេនីយ៍ត្រីកង សៅគុន បានឲ្យដឹងថា បទបញ្ជា និងការនែនាំចង្អុលបង្ហាញពីសំណាក់ឯកឧត្តមនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស បានឲ្យអាវុធហត្ថទាំងអស់ ក្រៅពីភារៈកិច្ច ការពារសន្ដិសុខសណ្ដាប់ធ្នាប់សាធារៈនៅមានកិច្ចការជាច្រើនទៀតដែលត្រូវយកចិត្តទុកដាក់ ក្នុងការអនុវត្តន៍ភារៈកិច្ច គោលនយោបាយ ភូមិ ឃុំ មានសុវត្ថភាព ក៏ដូចជាការ ការពារភាពសុខសាន្ដជូនប្រជាពលរដ្ឋ ៕
ចែករំលែកព័តមាននេះ