រាជធានីភ្នំពេញ ៖ជនសង្ស័យម្នាក់ក្នុងចំណោម៣នាក់ត្រូវបានមេការ និងសន្តិសុខរោងចក្រQMI ដេញចាប់បានខណៈពួកគេនាំគ្នាចូលមកលួចសម្ភារសំណង់ ក្នុងការដ្ឋានសំណង់ នៅក្នុងរោងចក្រ។ ហេតុការណ៍នេះកើតឡើងកាលពីវេលាម៉ោង១១ និង៣០នាទីយប់ ថ្ងៃទី២៨ វិចិ្ឆកា ២០១៤ នៅចំណុចការដ្ឋានសំណង់ ក្នុង
រាជធានីភ្នំពេញ ៖ជនសង្ស័យម្នាក់ក្នុងចំណោម៣នាក់ត្រូវបានមេការ និងសន្តិសុខរោងចក្រQMI ដេញចាប់បានខណៈពួកគេនាំគ្នាចូលមកលួចសម្ភារសំណង់ ក្នុងការដ្ឋានសំណង់ នៅក្នុងរោងចក្រ។ ហេតុការណ៍នេះកើតឡើងកាលពីវេលាម៉ោង១១ និង៣០នាទីយប់ ថ្ងៃទី២៨ វិចិ្ឆកា ២០១៤ នៅចំណុចការដ្ឋានសំណង់ ក្នុងរោងចក្រQMI ស្ថិតក្នុងសង្កាត់ភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ ។
ជនសង្ស័យដែលឃាត់ខ្លួនបានឈ្មោះ សាក់ ប៊ុនឆុង ភេទប្រុស អាយុ២៣ឆ្នាំ ស្នាក់នៅក្បែរកន្លែងកើតហេតុ និងមានស្រុកកំណើតនៅភូមិត្នោតជុំ ស្រុកក្រគរ ខេត្តពោធិ៍សាត់ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ ជនសង្ស័យ៣នាក់បានលួចចូលមកការដ្ឋានសំណង់ នៅក្នុងរោងចក្រខាងលើក្នុងបំណងលួចយកសម្ភារសំណង់ ហើយពេលនោះផងដែរមេការ និងសន្តិសុខប្រចាំរោងចក្រ៣ទៅ៤នាក់ បានក្លំមើលនិងបានដឹងថាមានជនសង្ស័យចូលមកលួចសម្ភារក្នុងការដ្ឋានសំណង់ ក៏បានដេញចាប់ជនសង្ស័យទាំង៣នាក់នោះ តែចាប់បានតែម្នាក់ប៉ុណ្ណោះដោយ២នាក់ទៀតរត់គេចខ្លួនរួច ។
ក្រោយពេលឃាត់ខ្លួនបានជនសង្ស័យខាងលើ មេការប្រចាំបាននាំខ្លួនជនសង្ស័យខាងលើយកទៅប្រគល់ជូនសមត្ថកិច្វនគរបាលរដ្ឋបាលចោមចៅដើម្បីសាកសួរនិងកសាងសំណុំរឿងតាមនិវិធីច្បាប់ ។
ចែករំលែកព័តមាននេះ